Свет
Полициска станица во САД бара криминалците да останат дома поради вирусот
Полициската станица од градот Пујалуп во сојузната амариканска држава Вашингтон ги изненади корисниците на социјалните мрежи кога на својата фејсбук-страница стави објава во која од криминалците бара да ги сопрат своите активности за време на епидемијата од коронавирусот.
„Поради локалните случаи со инфекција од вирусот Ковид-19, нашата полициска станица ве замолува сите криминални активности и нелегални поведенија да запрат. На сите криминалци што го разбираат и ќе постапат по овој наш повик, однапред им благодариме“, се вели во соопштението на малата полициска станица.
Од таму порачуваат дека кога ќе дојде време, ќе се огласат со нов извештај со кој ќе ги информираат засегнатите дека може да продолжат со своите активности.
„Ќе ве известиме кога ќе може да продолжите со вашето нормално криминално однесуваање“, додаваат од полициската станица во Пујалуп.
Според статистиката од универзитетот „Џон Хопкинс“, на ниво на САД има регистрирано вкупно 6.353 заразени со коронавирусот и 108 смртни случаи. Повеќето од фаталните случаи се токму во сојузната држава Вашингтон, каде што има 55 починати и 1.076 лица заразени со вирусот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.