Свет
Полицијата во Астана го растури протестот против промената на името на градот
Казашката полиција во четвртокот уапси 20-ина лица што протестираа против преименувањето на главниот град на земјата според поранешниот претседател Нурсултан Назарбаев, што беше првата одлука донесена од неговиот наследник Касим-Јомарт Токаев.
Протестите се ретки во поранешната советска република, која го привлече меѓународното внимание по изненадувачката оставка на Назарбаев на почетокот на оваа недела, одлука што личи на прв чекор од исцениран пренос на власта, пишува „Евроњус“.
Поранешниот спикер на горниот дом, Токаев, кој ги презеде претседателските овластувања до крајот на мандатот, кој завршува во април 2020 година, во средата рече дека главниот град Астана мора да биде преименуван во Нур-султан.
Парламентот веднаш изгласа поддршка за предлогот.
Сепак, процедурата допрва треба да се финализира, а некои жители се спротивставија на преименувањето на нивниот град четврти пат за помалку од 60 години. Онлајн-петицијата против одлуката собра над 30.000 потписи.
Во четвртокот 20-ина лица се собраа на плоштадот пред канцеларијата на градоначалникот за да го изразат своето несогласување. Меѓу нив избувнаа немири, па полицијата интервенира и притвори поголем дел од демонстрантите.
Назарбаев (78) управуваше со земјата од 18 милиони жители речиси 30 години. Неговата ќерка, Дарига, стана претседател на Сенатот еден ден по неговата оставка, што укажува на тоа дека таа може да стане негов наследник.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Пентагон испраќа милијарда долари воена помош за Украина
Пентагон е подготвен брзо да испрати пакет воена помош од милијарда долари за Украина, изјавија неколку американски претставници, додека горниот дом на американскиот Конгрес ја започнува расправата за долгоочекуваниот нацрт-закон за финансирање на Украина и другите сојузници на САД, којa веќе го помина долниот дом.
Членовите на Конгресот беа длабоко поделени околу средствата, поради што претседателот на Претставничкиот дом, Мајк Џонсон, формираше сојуз од двете водечки партии за усвојување на законот.
Пакетот за странска помош од 95 милијарди долари беше усвоен од Претставничкиот дом во саботата, а денеска или утре се очекува одобрување од Сенатот.
Од вкупниот пакет помош околу 61 милијарда долари се наменети за Украина.
Регион
(Видео) Атина прекриена со сахарска прашина, нереални сцени во градот
Атина и јужните делови на земјата повторно беа обвиени со сахарска прашина, со нијанси на жолта и портокалова боја што создава нереална атмосфера во градот.
Облаци од прашина, пренесени преку Средоземното Море од Северна Африка, го обвиле Акропол и другите знаменитости на Атина, пишува „АП“.
Силните јужни ветрови носеа прашина од Сахара, па во последните часови од денот грчката престолнина изгледаше како да е користен филтер за фотографирање, пренесува Euronews.
🚨🇬🇷
HAPPENING NOW
The sky is totally orange over Athens, Greece
— Alex Barnicoat (@mrbarnicoat) April 23, 2024
Во среда се прогнозира разведрување на небото со поместување на ветровите и поместување на прашината и опаѓање на температурите.
Дневниот максимум во делови од јужниот остров Крит надмина 30 степени Целзиусови, повеќе од 20 степени Целзиусови над она што беше забележано во поголемиот дел од северна Грција.
Корисниците на социјалната мрежа Икс објавија видеа од необична „портокалова“ појава од територијата на цела Атина.
Веста за Атина во „портокалово“ многу брзо се прошири низ светските медиуми, а видеата ги споделија и профили на социјалните мрежи кои се занимаваат со глобални актуелни вести.
Свет
Уапсен заменикот на Сергеј Шојгу, осомничен е за примање мито
Рускиот заменик министер за одбрана Тимур Иванов е приведен под сомнение дека примил поткуп, соопштиРускиот истражен комитет.
„Заменик-министерот за одбрана на Русија, Тимур Владимирович Иванов, е приведен поради сомнение дека сторил кривично дело примање поткуп“, се наведува во соопштението објавено на каналот Телеграм на Истражниот комитет, пренесува РИА.
Во 2012 година, Иванов беше вицепремиер на Московскиот регион.
Од 2013 до 2016 година, тој беше генерален директор на АД Оборонстрој.
Во мај 2016 година со претседателски указ е назначен за заменик министер за одбрана.