Свет
Полицијата во Портланд уби осомничен за убиство на приврзаник на Трамп
Полицијата уби маж осомничен за убиството на приврзаник на Доналд Трамп минатиот викенд за време на немирите во Портланд, соопштија властите, објави Би-би-си.
Мајкл Реинол (48) беше осомничен од полицијата за убиство на приврзаник на претседателот Трамп за време на судир меѓу приврзаниците на претседателот и оние на движењето „Црните животи се важни“ во Портланд.
Реинол рече дека дејствувал во самоодбрана кога го убил Арон Даниелсон, член на десничарската група „Патриотска молитва“.
По него е распишана потерница, а полицијата го пронајде во четвртокот. Анонимен извор за АП изјави дека Реинол извадил пиштол при средбата со полицијата, по што полицајците го убиле.
Еден официјален претставник за „Њујорк тајмс“ изјави дека осомничениот за убиството, за кого не можеше да се потврди дека е Реинол, излегол од станот и влегол во возилото.
„Имаше пукање додека се обидуваа да го уапсат “, изјави полковникот Реј Брејди за „Њујорк тајмс“.
Exclusive: The victim of last night’s deadly shooting in downtown Portland is Aaron Danielson, who went by Jay. His family has been informed of his death.
Portland Police have not released details about their investigation and the shooter is at-large. #PortlandRiots pic.twitter.com/4y8j9fSJ5K
— Andy Ngô (@MrAndyNgo) August 30, 2020
Членовите и приврзаниците на движењето „Црни животи се важни“ протестираат, честопати насилно, од атентатот врз Џорџ Флојд во мај, а се случуваат и судири со десничарски групи.
Реиноел, кој редовно протестираше, за Vice News изјави дека мисли дека Даниелсон ќе го прободе него и неговиот пријател.
„Немав избор. Мислам, имав избор. Можев да седам и да гледам како го убиваат мојот пријател со различна боја на кожа, што не можев да го сторам тоа”, рече тој.
The police just executed Michael Forest Reinoehl as retailation for killing one of their racist ass militia men.
The sitting U.S. president called for the hit.
This is where we are. pic.twitter.com/rn6SAoVUdv
— ashley yates (@brownblaze) September 4, 2020
Во четвртокот претседателот Доналд Трамп го коментираше атентатот врз Даниелсон.
„Зошто полицијата во Портланд не го уапси ладнокрвниот убиец на Арон ‘Џеј’ Даниелсон? Направете си работа, направете го тоа брзо”, објави на Твитер.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Се вештачат трагите од предметите пронајдени во автомобилот во кој била убиена малата Данка
Телото на малото девојче Данка Илиќ (2), кое на 26 март годинава беше брутално убиено во Бањско Поље, се уште не е пронајдено.
Осомничениот Дејан Драгијевиќ (50) во Вишото јавно обвинителство во Зајечар ги изнесе деталите за убиството на детето. Сепак, тој не сакаше да открие каде го фрлил телото на Данка.
Срѓан Јанковиќ (50) не сакал да зборува за делото, а вчера побарал да му дозволат адвокат по службена должност. Во притвор е и таткото на Дејан Драгијевиќ, кој исто така се бранеше со молчење на обвинувањата дека му помогнал на синот да се ослободи од телото.
Понатамошните чекори во истрагата за „Телеграф.рс“ најавија од Вишото јавно обвинителство Заечар.
– Вишото јавно обвинителство Заечар издаде наредба вештаци да ги прегледаат трагите пронајдени во автомобилот на Јавното претпријатие за комунални дејности „Водовод“ Бор.
Сослушувањата на сведоците се во тек.
Вчера во Вишото јавно обвинителство во Заечар дадоа исказ Ивана и Милош Илиќ, родителите на убиената Данка.
Свет
(Видео) „Очајно сакаме да јадеме нешто“: илјадници патници заробени на аеродромот во Дубаи останаа без храна
Туристите заглавени на аеродромот во Дубаи изјавија дека очајно бараат храна, а во исто време остануваат без вода поради големите поплави предизвикани од дожд и грмотевици, јавува Би-би-си.
Речиси 50 лета беа откажани во вторникот, а на социјалните мрежи се појавија снимки од луксузни автомобили, кои пливаат во порои од вода и поплавени трговски центри, како и потопени аеродроми.
Надлежните упатија предупредување до граѓаните да останат дома, но патниците останаа на аеродромите и велат дека чекаат со часови и немаат информации. На шалтерите имаше голем метеж, како и групи луѓе што извикуваа, ракоплескаа и свиреа во знак на протест.
Според интернет-страницата за следење летови Flight Aware, 150 лета, кои требаше да го напуштат меѓународниот аеродром во Дубаи, биле одложени, а 120 биле откажани. „Емиратите“, водечката авиокомпанија во Дубаи, најави суспензија на услугите до четврток наутро.
Dubai Airport right now
pic.twitter.com/FX992PQvAU— Science girl (@gunsnrosesgirl3) April 16, 2024
„Во моментот се соочуваме со значителен прекин поради временските услови и континуирано работиме со нашите тимови за одговор при итни случаи за да ја вратиме нормалната работа што е можно побргу“, објави Меѓународниот аеродром во Дубаи на социјалната мрежа Х во средата.
Како што соопштија, летовите продолжуваат и денеска од терминалот 1, со напомена дека патувањето е можно само со потврдени резервации бидејќи летовите сè уште се откажани и доцнат.
Патниците преживуваа само со користење на услугите на царинските продавници, каде што производите се ослободени од локални или државни даноци, под услов да ги купуваат туристите што потоа ќе плаќаат царина и даноци во земјата на дестинација, пренесува медиумот. Џејмс и Елизабет Дивајн од Кембриџ останале заглавени на погрешен аеродром со својот шестмесечен син кога, враќајќи од свадба, нивниот лет во Сиднеј бил пренасочен. Тие слетаа на аеродромот Dubai World Central, кој е оддалечен повеќе од 80 километри од нивната наменета дестинација.
„Рестораните се затворени, единствената храна што ја имаме е од продавниците на аеродром, така што нема храна за бебиња или мали деца. Нема ниту пелени, па ги делиме со другите патници, на кои исто така им требаат“, рече Џејмс.
Имајќи предвид дека постојано пристигнуваат нови патници, Џејмс проценува дека моментно на аеродромот има стотици, ако не и илјадници луѓе. Како што велат, чекаат 13 часа, а паниката постојано расте поради недостигот на храна и вода.
Маргарет и Дерек Мекартур од Шкотска во средата требало да заминат од Дубаи за Токио. Тие пристигнале за качување во 6 часот наутро, но 13 часа подоцна сè уште немаат алтернативен лет или објект во кој би можеле да преноќат. „Немаме храна, досега пиевме само кафе. Очајни сме да јадеме, не ни дадоа ваучери и не знаеме што се случува“, рекла Маргарет.
Мат Вер, кој десет години живее во Дубаи, се присети на големиот застрашувачки облак што се појави на небото во вторникот попладне. „Небото стана целосно црно, зелено и апокалиптично, видов дека доаѓа бура. Дубаи остана под вода, илјадници куќи беа целосно поплавени“, изјави Вер.
Во вторникот Обединетите Арапски Емирати (ОАЕ) забележаа најголем број врнежи отколку пред 75 години. Дождот не е вообичаен во ОАЕ, но повремено се појавува за време на постудените зимски месеци.
Училиштата ќе останат затворени до следната недела, а работата од дома е продолжена за уште еден ден за повеќето вработени во владата. Претседателот исто така нареди семејствата погодени од невремето да бидат преместени на побезбедни локации. Најмалку едно лице загина во поплавата, 70-годишен маж, кој се удави во автомобил во Рас Ал-Каима, а неодамна беа објавени фотографии што покажуваат како водата ги поплавува и пустинските области.
Свет
Четири руски ракетни фрлачи и авиони сериозно оштетени на Крим, соопшти Украина
Во украинскиот напад на воениот аеродром на Крим вчера сериозно се оштетени четири ракетни фрлачи, три радарски станици и друга опрема, соопшти украинската воена разузнавачка агенција.
Четири ракетни фрлачи земја-воздух „С-400“ и контролен пункт за воздушна одбрана стациониран во воздухопловната база Џанкој се меѓу опремата што е „уништена или критично оштетена“, објави агенцијата на „Телеграм“, пренесе „Ројтерс“.
Агенцијата додава дека во нападот биле уништени или оштетени и голем број авиони. На неколку сметки на каналот „Телеграм“ вчера се појави информација за силна експлозија во Џанкој. „Ројтерс“ не можеше да ги потврди наводите, а Русија официјално не ги коментира.
Украинската агенција не даде информации за тоа какви средства се употребени за нападот, кој го опиша како успешен.
Претседателот на Украина, Володимир Зеленски, претходно ѝ се заблагодари на армијата за прецизноста вклучена во операцијата.