Свет
Полскиот премиер: Санкциите од САД ќе го забават Северен тек 2, но нема да го запрат
Полскиот премиер призна дека санкциите од САД нема да успеат да го торпедираат главниот гасовод од Балтичко Море наменет за снабдување на Германија со руски природен гас и рече дека посакува проектот никогаш да не почнел, пренесува РТ.
„Верувам дека санкциите на САД ќе го одложат проектот, но нема да го запрат“, рече Матеуш Моравјецки, во интервју за германски „Ди Велт“ .
Швајцарско-холандска компанија за поставување цевки „Олсиз“ ја прекина својата работа на гасоводот во декември поради страв дека ќе биде погодена од санкциите што беа усвоени од страна на САД претходно тој месец.
Моравјецки, чија влада тврди дека проектот ќе ја направи ЕУ премногу зависна од рускиот гас, ја нарече одлуката на Берлин да не го напушти Северен тек 2 чекор во погрешна насока. Тој истакна дека иако Полска редовно ја изразувала својата загриженост во врска со гасоводот до германската канцеларка Ангела Меркел, тоа не го менува фактот дека Варшава и Берлин имаат различни мислења за ова прашање.
Меркел остро се спротивстави на обидите на САД да ја нарушат изградбата на гасоводот, тврдејќи дека тоа ќе биде од корист и за Германија и за ЕУ. На состанокот со рускиот претседател Владимир Путин во Москва во саботата, канцеларката истакна дека Северен тек 2 ќе се заврши без оглед на сè и вети дека ќе ја продолжи поддршката за проектот.
Путин рече дека Русија е способна самостојно да го заврши проектот и дека, иако изградбата би можела да трае неколку месеци подолго, таа ќе биде завршена или до крајот на оваа или до почетокот на следната година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Повеќе од сто килограми кокаин пронајдени меѓу банани во супермаркети во Германија
Вработени во неколку германски супермаркети во Берлин и Бранденбург откриле повеќе од 100 килограми кокаин во пакувања со банани, пренесува „Билд“ повикувајќи се на полициски извори.
Во Бранденбург, како што се наведува, во најмалку четири продавници биле пронајдени меѓу 20 и 100 килограми кокаин, пренесува „Танјуг“.
Полицијата во моментот спроведува истрага со проверка на стоката во продавниците поради што сѐ уште не се знае конечната количина дрога во нив, но не и информацијата во колку продавници има.
Регион
Двајцата осомничени за убиството на малата Данка испратени во Специјалната затворска болница
Двајцата осомничени Срѓан Јанковиќ и Дејан Драгијевиќ денеска се испратени во Специјалната затворска болница во Белград на психијатриско вештачење, пишува „Телеграф“.
Во написот медиумот пишува дека осомничениот Дејан Драгијевиќ (50) деталите за убиството на детето ги изнесе во Вишото јавно обвинителство во Заечар. Сепак, тој не сакаше да открие каде го оставил телото на Данка.
Срѓан Јанковиќ (50) не зборувал за делото.
Во Вишото јавно обвинителство во Заечар биле сослушани и родителите на Данка, Ивана и Милош, кои, како што се наведува, опишале како течел денот кога исчезнала ќерка им.
Додека давале исказ, во иста просторија седеле и осомничените за убиството на детето.
Пред рочиштето исказ за „Телеграф“ дал таткото на убиената Данка.
„Смртната казна не им е доволна, треба да бидат во затвор до крајот на животот. Тоа се чудовишта, она што постојано го доживуваме не се опишува. Тоа може да го разбере само родител. Неколкупати ни дојде полиција, ѝ зедоа разни работи на Данка, ништо не знаеме, ниту за крвта на патот ниту во автомоблилот, ништо. Не ни е јасно зошто не се јавиле во итната помош, зошто не помогнале, но го направиле ова што го направиле. Тоа што јас и Ивана постојано страдаме е страшно, разни луѓе ни се јавуваат, нѐ навредуваат, ни ја префрлаат вината. Морав да побарам да го сменам бројот, не можеме повеќе. Кога сѐ ќе заврши, ќе кажеме сѐ“, рече тој.
Свет
Израел ја бобмардира Рафа, најмалку пет лица загинаа, меѓу кои и две деца
Здравствените власти соопштија дека најмалку пет лица загинале во израелските воздушни напади врз јужниот град Рафа во Појасот Газа.
Две деца, идентификувани во болничката евиденција како Шам Наџар (6) и Џамал Набахан (8), се меѓу убиените во нападите извршени во текот на ноќта и денеска, објави АП.
Членовите на семејството за американската агенција изјавиле дека биле убиени додека се обидувале да се преселат во северниот дел на Газа и дека израелската армија ги спречува луѓето да се вратат во своите домови.