Свет
Помпео одговори на критиките на Германија: Западот победува
Американскиот државен секретар Мајк Помпео во Германија ги отфрли критиките на германскиот претседател и другите европски лидери, на сметка на САД.
Критиките беа упатени на сметка на изолационата политика и егоизмот на владата на претседателот Доналд Трамп, па Помпео рекол дека тие критики немаат упориште во стварноста.
„Задоволство ми е да ви кажам дека идејата според која трансатлантскиот сојуз е мртов во голема мера е претерана“ рекол Помпео на конференцијата за безбедност во Минхен.
Гeрманскиот претседател Франк-Валтер Штајнмајер, кој нема извршни овластувања, но неговите изјави се слушаат во Германија, вчера остро го критикуваше курсот кој го следат американските власти.
„Нашиот главен сојузник САД, под моменталната администрација ја одбива идејата на меѓународната заедница. Државите се повикани да ги стават сопствени интереси над интересите на сите други, „повторно големи“ на сметка на соседите и партнерите“ рекол Штајнмајер на отворањето на конференцијата, цитирајќи го слоганот на Трам: „Да ја направиме Америка повторно голема“.
Помпео одговорил дека САД допринеле за јакнење на источното крило на НАТО, како и уништувањето на самопрогласениот калифат на Исламска држава во Сирија.
„Дали САД се тие кои ја отфрлаат меѓународната заедница? Западот победува. Ние победуваме и тоа го правиме заедно“ рекол Помпео.
Според него, западот има подобра иднина од либералните алтернативи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Двајцата осомничени за убиството на малата Данка испратени во Специјалната затворска болница
Двајцата осомничени Срѓан Јанковиќ и Дејан Драгијевиќ денеска се испратени во Специјалната затворска болница во Белград на психијатриско вештачење, пишува „Телеграф“.
Во написот медиумот пишува дека осомничениот Дејан Драгијевиќ (50) деталите за убиството на детето ги изнесе во Вишото јавно обвинителство во Заечар. Сепак, тој не сакаше да открие каде го оставил телото на Данка.
Срѓан Јанковиќ (50) не зборувал за делото.
Во Вишото јавно обвинителство во Заечар биле сослушани и родителите на Данка, Ивана и Милош, кои, како што се наведува, опишале како течел денот кога исчезнала ќерка им.
Додека давале исказ, во иста просторија седеле и осомничените за убиството на детето.
Пред рочиштето исказ за „Телеграф“ дал таткото на убиената Данка.
„Смртната казна не им е доволна, треба да бидат во затвор до крајот на животот. Тоа се чудовишта, она што постојано го доживуваме не се опишува. Тоа може да го разбере само родител. Неколкупати ни дојде полиција, ѝ зедоа разни работи на Данка, ништо не знаеме, ниту за крвта на патот ниту во автомоблилот, ништо. Не ни е јасно зошто не се јавиле во итната помош, зошто не помогнале, но го направиле ова што го направиле. Тоа што јас и Ивана постојано страдаме е страшно, разни луѓе ни се јавуваат, нѐ навредуваат, ни ја префрлаат вината. Морав да побарам да го сменам бројот, не можеме повеќе. Кога сѐ ќе заврши, ќе кажеме сѐ“, рече тој.
Свет
Израел ја бобмардира Рафа, најмалку пет лица загинаа, меѓу кои и две деца
Здравствените власти соопштија дека најмалку пет лица загинале во израелските воздушни напади врз јужниот град Рафах во Појасот Газа.
Две деца, идентификувани во болничката евиденција како Шам Наџар (6) и Џамал Набахан (8), се меѓу убиените во нападите извршени во текот на ноќта и денеска, објави АП.
Членовите на семејството за американската агенција изјавиле дека биле убиени додека се обидувале да се преселат во северниот дел на Газа и дека израелската армија ги спречува луѓето да се вратат во своите домови.
Свет
Емануел Макрон: Постои ризик Европа да умре
Францускиот претседател Емануел Макрон за време на говорот на Универзитетот „Сорбона“ во Париз изјави дека постои ризик Европа да умре.
Макрон истакна дека битката за изградба на силна Европа е далеку од завршена и ризикува да заостане зад светските ривали во наредната деценија, пренесува „Ројтерс“.
Европа, како што оцени Макрон, е на пресвртна точка и мора да стори повеќе за да се натпреварува со забрзаното вооружување на своите глобални ривали.