Свет
Помпео: САД ќе му ветат на Ким Јонг-ун дека нема да бараат промена на режимот
САД ќе мора да ја уверат Северна Кореја дека нема да се обидatат да го поткопаат нејзиниот лидер Ким Јонг-Ун, изјави американскиот државниот секретар Мајк Помпео, по децениите напади врз Ким како диктатор и притисок врз земјата со санкции, пренесува „Раша тудеј“.
На помалку од еден месец пред преговорите меѓу американскиот претседател Доналд Трамп и лидерот на Северна Кореја, Ким Јонг-ун, во Сингапур, највисокиот американскиот дипломат посочи дека секој договор што ќе го отвори патот за Корејски Полуостров без нуклеарно оружје ќе мора да вклучува одредени американски заштитни мерки кои ќе му овозможат на Ким да остане на власт.
„Ќе мораме да обезбедиме безбедносни гаранции. Ова е компромис кој трае веќе 25 години”, изјави Помпео за “Фокс њус сандеј” неколку дена откако се врати во САД од својот втор состанок со Ким, при што требаше да ги разгледаат деталите од самитот на 12-ти јуни.
Претстојните разговори се поздравени како монументален личен успех од Доналд Трамп, кој пред само неколку месеци го нарекуваше Ким лудак, му се закануваше и се пофали дека има поголемо нуклеарно копче. Сега администрацијата на Трамп ги користи преговорите како начин да покаже дека е подобра од претходните.
„Ниту еден претседател никогаш не ја стави Америка во позиција севернокорејското раководство да смета дека сето ова навистина е можно, дека Американците навистина ќе го направат тоа, ќе доведат до тоа Америка веќе да не биде изложена на опасност од севернокорејскиот режим” рече Помпео.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Полицаец од Бор е приведен поради давање информации за исчезнувањето на девојчето
Полицаец од Бор е приведен поради давање информации од истрагата за исчезнувањето на девојчето Данка Илиќ (2).
Не се знае за какви информации станува збор и кому полицаецот ги дал, но се работи за информации од истрагата кои евентуално би можеле да ја загрозат.
Се уште трае потрагата по двегодишното девојче Данка Илиќ од околината на Бор, чие исчезнување беше пријавено во вторникот.
Се претресуваат куќи и населба, се расчистува дворот.
Две специјалистички екипи за спасување од урнатините од Белград и Нови Сад започнаа детално пребарување на просторот околу куќата, соопшти полицијата.
Свет
Украински дрон удрил во станбена зграда во Белгород, има мртви
Едно лице загина кога украинско беспилотно летало удри во станбена зграда во рускиот град Белгород и одекна силна експлозија, изјави регионалниот гувернер Вјачеслав Гладков.
„Повредена е сопругата на починатиот, има расекотини на лицето и површна изгореница на бутот. Екипата за брза помош ја однела жената во регионалната клиничка болница. Како резултат на експлозијата, за жал, еден човек загина“, објави Гладков, а пренесува Риа Новости.
Друг жител со рана од шрапнел сам отишол во градската болница, додаде тој.
Оштетени се прозорците во пет стана, како и автомобил. Оперативните услуги се на лице место.
Европа
Бремена жена дошла на редовен преглед, лекарите по грешка ѝ направиле абортус во болница во Прага
Во трагичен инцидент претходно оваа недела во Универзитетската болница „Буловка“ во Прага 8 дошло до забуна кај лекарите за две жени што не биле од Прага, а тоа резултирало со абортус на бремена жена без нејзино знаење или желба, пренесуваат тамошните медиуми.
Здравствениот експерт вели дека, освен големата негрижа од страна на персоналот, за шокантниот настан придонела и јазичната бариера.
Кобната грешка се случила на 25 март, јавуваат чешките медиуми. Имено, една трудница дошла во болница на редовен преглед на бременоста. Меѓутоа, медицинските сестри, лекарите, гинеколозите и анестезиолозите ја помешале со друга трудница, која имала закажана киретажа (метод на абортус).
Така, бремената мајка била ставена под општа анестезија и лекарите по грешка ѝ направиле абортус.
„Министерството за здравство изразува најдлабоко жалење до пациентот и целото семејство“, рече портпаролот на Министерството, Онџеј Јакоб, во соопштението за печатот во четвртокот.
„Имаше неопростлива човечка грешка, а одговорните се разрешени“, додаде тој.
Од самата болница за информативниот портал „Новинки.чз“ изјавија дека се подготвени да платат отштета.
Според чешките медиуми, и двете пациентки биле странски државјанки, кои живееле во Чешка.
Официјалните лица не објавија никакви информации за идентитетот на жените.