Свет
Поранешниот каталонски лидер, Карлес Пучдемон, ќе основа нова партија
Сменетиот претседател на Каталонија, Карлес Пучдемон, ќе основа нова политичка партија на 27 октомври, на првата годишнина од неуспешното прогласување независност на шпанскиот регион, изјави неговиот портпарол во четвртокот, пренесува „Локал“.
„Главната цел на партијата е да го спроведе мандатот од 1 октомври. Штом оваа цел ќе се постигне, оваа организација нема да има смисла и ќе се распушти“, изјави портпаролот на Пучдемон, Тони Морал, мислејќи притоа на оспорениот референдум за независност што се одржа на тој датум и кој беше искористен за да го оправда обидот за отцепување неколку недели подоцна.
Новата партија, која е поддржана од наследникот на Пучдемон, Ким Тора, тврди дека веќе има 50.000 поддржувачи. Таа има цел да ги обедини сепаратистите во регионот, кои во моментот се поделени во три парламентарни групи. Претходната каталонска администрација предводена од Пучдемон лани го одржа референдумот за независност иако тој беше забранет од судовите, а гласањето беше нарушено со полициско насилство. Мнозинството гласаше за независност, но одѕивот беше мал бидејќи противниците не се појавија за гласање.
Отстранет од функцијата каталонскиот претседател, откако парламентот на Каталонија неуспешно прогласи независност на 27 октомври, Пучдемон и неколку членови на неговата извршна власт неколку дена подоцна побегнаа во Брисел. Тој е баран од Шпанија за бунт, дело што носи до 25 години затвор, и за злоупотреба на јавни средства за неговата улога во притисокот за независност.
Анкетите покажуваат дека приближно 7,5 милиони жители на Каталонија се поделени за прашањето за независност, но голем број поддржуваат правен референдум за решавање на прашањето.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Џакарта повеќе нема да биде главен град на Индонезија
Парламентот на Индонезија одлучи поранешната метропола Џакарта да остане економски центар на земјата како дел од планот за преселување на главниот град на островот Борнео.
Индонезија планира да го пресели својот главен град од преполната Џакарта во Нусантар, град вреден 32 милијарди долари кој се гради во џунглите на Источен Калимантан, Борнео.
Градот е водечки проект на претседателот во заминување Јоко Видодо, кој вети подобра дистрибуција на богатството и развој низ архипелагот, не само на островот Јава.
Министерот за внатрешни работи Тито Карнавијан по дебатата во парламентот рече дека Џакарта сè уште ќе треба да се развива понатаму за да се натпреварува со другите „градови од светска класа“ откако седиштето на владата се пресели во Нусантара.
„Откако повеќе не е главен град, Џакарта сепак мора да има печат на посебен град за да може да го забрза економскиот раст и да го зголеми својот придонес во БДП на земјата“, рече тој.
Европа
Кремљ за евентуалното блокирање на Телеграм: „Се повеќе станува алатка во рацете на терористите“
Портпаролот на Кремљ Дмитриј Песков денеска изјави дека во моментов не се планира блокирање на социјалната мрежа Телеграм во Русија.
„Не, во моментов нема такви планови“, изјави Песков за каналот Шот на прашањето дали Русија планира да го блокира Телеграма.
Тој додаде дека основачот на таа платформа Павел Дуров треба повеќе да внимава како се користи оваа социјална мрежа.
„Секако, би очекувале поголемо внимание од Павел Дуров, бидејќи овој уникатен и феноменален ресурс од технолошки аспект, кој порасна, всушност, пред очите на нашата генерација, се повеќе станува алатка во рацете на терористите, се користи за терористички цели“, рече портпаролот на Кремљ, пренесува РИА Новости.
Како што изјави во средата за РИА Новости, извор запознаен со ситуацијата, сторителите на терористичкиот напад во предградието на Москва биле регрутирани преку каналот на Телеграм, Глас Хорасан, сопственост на авганистанското крило на Исламската држава.
Пратеникот на Државната дума од Обединета Русија Олег Морозов денеска оцени дека е неопходно да се развие механизам за автоматско блокирање на каналите на Телеграм кои регрутираат терористи користејќи клучни зборови користејќи вештачка интелигенција.
Европа
Шолц: Мирот во Украина е можен во секој момент, само ако Путин ги повлече своите војници
Германскиот канцелар Олаф Шолц изјави денеска дека мирот во Украина е можен во секој момент доколку рускиот претседател Владимир Путин ја прекине својата, како што наведе, „варварска“ кампања и ги повлече војниците.
Шолц за „Маркише Агемајне Цајтунг“ изјави дека секогаш имало иницијативи за посредување.
„На пример, веднаш по избувнувањето на војната, Русија и Украина директно преговараа меѓу себе. Преговорите потоа пропаднаа затоа што Русија ги искористи само како изговор за истовремено да ги премести своите трупи на исток за голема офанзива“, посочи тој.
Како што тврди, токму тогаш на виделина излегле „масакрите“ во Буча и Ирпин, злосторства против човековите права извршени од страна на руските вооружени сили врз цивилното население, со што разговорите се лишени од секаква основа, пренесува медиумот.
„Малку подоцна се разговараше за договорот за жито, со успех. За жал, Путин во одреден момент повторно го откажа“, додаде Шолц.
Тој изјави дека имало разговори и за безбедноста во нуклеарната централа Запорожје и за размена на затвореници.
„Голем број земји, вклучително и Украина, во моментов разговараат на ниво на советници за безбедност за тоа што би можело да изгледа како нешто што може да доведе до мировен процес, но дозволете ми да бидам многу јасен: мирот е можен во секое време. Путин само треба да стави крај на неговата „варварска“ кампања и да ги повлече трупите“, истакна Шолц.