Свет
Потпретседателот на Абхазија поднесе оставка
Потпретседателот на Абхазија, Аслан Барциц, ја понуди својата оставка, следејќи ги постапките на претседателот Раул Хаџимба, се вели во соопштението објавено на официјалната веб-страница на Хаџимба, пренесува ТАСС.
„Во согласност со Уставот на Абхазија и со оглед на фактот дека претседателот на Абхазија, Раул Хаџимба, поднесе оставка, заради одржување на мирот и стабилноста во Република Абхазија и за постигнување национален договор, се повлекувам од функцијата потпретседател“, рече Барциц во изјавата.
Барциц исто така најави дека Хаџимба нема да се кандидира на претстојните избори.
„Раул Хаџимба не планира да се кандидира на изборите. Тој е државјанин на својата земја и ќе остане во неа. Тоа не значи дека ќе седи со скрстени раце. Ќе учествува во политичкиот процес за во земјата да има ред, закон и континуитет“, посочи тој.
Претседателот Хаџимба поднесе оставката во неделата вечерта. Тоа го потврди и претседателот на парламентот, Валери Кварчија. Хаџимба, кој беше претседател на Абхазија од 2014 година, беше реизбран за втор мандат во септември 2019 година.
На 9 јануари толпа демонстранти во Сухум, кои бараа оставка од Хаџимба, влезе во зградата на претседателската администрација. Парламентот на Абхазија се состана на седницата за да гласа за порака до претседателот, барајќи од него да се повлече заради стабилизирање на ситуацијата. Во петокот Врховниот суд на Абхазија ја поништи одлуката на Централната изборна комисија во врска со исходот од претседателските избори и свика прегласување на изборите на 22 март. И двете одлуки можат да бидат оспорени на суд.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Пожар во Атина: Се запали станбена зграда, пет противпожарни возила на лице место
Пожар избувна на високо приземје на станбена зграда во атинската населба Ризуполи. Како што јави грчкиот јавен сервис ЕРТ, на лице место излегле 16 пожарникари со пет возила.
Мобилизирани се и два камиони со скали, доколку е потребно да се евакуираат станарите од горните катови.
Свет
Лидерот на Хамас пристигна во Истанбул, ќе се сретне со Ердоган
Лидерот на Хамас, Исмаил Ханија денеска е во Истанбул на средба со турскиот претседател Реџеп Тајип Ердоган, кој го поддржува палестинското движење.
Ердоган синоќа ја потврди посетата, нивна прва средба лице в лице од јули 2023 година, но беше многу дискретен за нејзината цел. „Да ја зачуваме агендата за нас и господинот Ханија“, им рече тој на новинарите.
Ќе се разговара за војната во Појасот Газа, соопшти Хамас.
Ханија вчера вечерта пристигна во Истанбул на чело на делегацијата на неговото движење.
Тој град е едно од неговите места на живеење од 2011 година, но од почетокот на војната во Појасот Газа во октомври 2023 година, тој бил таму само еднаш официјално, во јануари. Потоа се сретна со турскиот министер за надворешни работи Хакан Фидан, со кого во средата во Доха имаше долг разговор.
Фидан денеска ќе се сретне со египетскиот министер за надворешни работи Самех Шукри.
Турција, која сака да биде лидер во поддршката на палестинското прашање, дава цврста и постојана поддршка на претставниците на Хамас, но остана на страна во посредувањето меѓу Израел и палестинското движење.
Посетата на Ханија на Турција доаѓа во време кога Катар, кој игра клучна улога во разговорите меѓу Израел и Хамас, сака да ја „преоцени“ својата улога во застојот на разговорите за прекин на огнот и ослободувањето на израелските заложници.
Свет
Бројот на палестинските жртви во Појасот Газа надмина 34.000
Најмалку 34.049 Палестинци се убиени во израелската воена офанзива во Појасот Газа од 7 октомври, соопшти Министерството за здравство на палестинската енклава.
Во соопштението се додава дека во овој период биле ранети 76.901 лице.
Во текот на претходните 24 часа загинаа 37 Палестинци, а 68 беа повредени, се наведува во објавата.