Свет
Прва жртва од коронавирусот во Израел
88-годишен пациент заразен со коронавирус починал синоќа во болницата во Ерусалим, што е прва жртва на глобална пандемија во Израел, кад ебројката на заразени достигна до 705. Состојбата на пациентот била многу сериозна кога бил примен во болницата поради здравствени проблеми кои што ги имал и претходно.
Израелските медиуми јавуваат дека уште девет пациенти се во сериозна состојба, додека кај повеќето последиците од болеста се во поблага форма, додека 15 се излечиле. На окупираниот Западен Брег се забележани 48 случаи на инфекција, претежно во Витлеем.17 лица закрепнале, а 3.900 Палестинци се ставени во карантин.
Израелската влада воведе голем број мерки за спречување на движењето на граѓаните, десетици илјади од нив се во самоизолација, затворени се училиштата, универзитетите и забранети се собири на повеќе од 10 лица. Покрај тоа, владата одобри безбедносната служба „Шин Бет“ да ги следи телефоните на заразените лица за да ги предупредат луѓето што доаѓаат во контакт со нив.Овој потег не беше одобрен од израелскиот парламент.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.