Свет
Предвидувањата на Трамп пропаднаа, коронавирусот уби повеќе Американци од војните во Виетнам и Кореја
Во САД над 100.000 луѓе починаа од коронавирус, со што Америка стана место со најмногу жртви од ковид-19. Бројот на жртвите од вирусот е поголем отколку што американски трупи загинаа во војните во Кореја и Виетнам.
Сепак, некои Американци престанаа да одржуваат физичка дистанца за време на минатиот викенд и вчера, кога беше одбележан денот на сеќавањето, со кој се оддава почит на починатите припадници на американските вооружени сили.
Гужви имаше на плажите на Флорида, во Мериленд, Џорџија, Вирџинија и Индијана. Многу луѓе беа со или без маски, а некои не држеа растојание едни со други. Во Мисури стотина луѓе присуствувале на забава на базен, само неколку дена откако слична забава во Арканзас доведе до нови случаи на коронавирус.
Претседателот Доналд Трамп изминатиот период се обидуваше да ја минимизира заканата од коронавирус и ги занемари апелите од неговиот министер за здравство да вложи во тестирање сетови и апарати за дишење. На 13 март прогласи вонредна состојба поради пандемијата и најави дека вложи 50 милијарди долари од државните резерви за борба против коронавирусот.
Од самиот почеток Трамп ја обвинува Кина дека е виновна за пандемијата, а коронавирусот го нарекува кинески. Трамп на 15 април одлучи САД привремено да престанат да ја финансираат СЗО, поради нејзиното „лошо управување“ со епидемијата на коронавирусот.
Тој исто така направи гаф на прес-конференција, кога им предложи на експертите да ги разгледаат ефектите од средствата за дезинфекција на вирусот и гласно праша дали може истите да се вбризгаат во луѓето. По неговата изјава имаше неколку немили инциденти, кога луѓе се обидоа со средства за дезинфекција да го уништат вирусот.
Според податоците на порталот „Ворлдометерс“, потврдени случаи во САД се 1.713.000, а починале 100.021 човек. Оздравеле 468.669 луѓе.
Најмногу погодена е државата Њујорк со 372.494 заболени и 29.310 починати.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.