Свет
Премиерот на Јапонија, Шинзо Абе, поднесе оставка
Премиерот на Јапонија, Шинзо Абе, поднесе оставка поради здравствени причини. Абе е премиер кој беше најдолго време на оваа функција во историјата на Јапонија.
„Не можам да бидам премиер ако не можам да носам најдобри одлуки за луѓето. Решив да дадам оставка од мојата позиција“, рече Абе (65) на прес-конференција.
Тој веќе две години се бори со улцерозен колитис, воспаление на дебелото црево, а неговите неодамнешни посети на болницата покренаа прашања во јавноста за тоа дали може да остане на чело на владејачката партија сè додека не му истече мандатот, во септември 2021 година.
Абе рече дека решил да се повлече за да избегне политички вакуум бидејќи земјата се бори со епидемијата на коронавирус.
„Се извинувам со сето срце дека, и покрај поддршката на јапонскиот народ, ја напуштам позицијата цела година пред истекот од мојот мандат и среде политички превирања и епидемијата на коронавирус“, рече Абе.
Тој поднесе оставка и во 2007 година, по едногодишниот мандат како премиер, наведувајќи ја како причина болеста со која се бори.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.