Европа
Претседателот на Австрија: „Путин ме измами“
Претседателот на Австрија, кој се кандидира за нов мандат, Александар ван дер Белен, вели дека било грешка да не се диверзифицираат изворите на гас.
Тој истакнува и дека дозволил рускиот претседател Владимир Путин да го измами, како што го измамил целиот свет.
Ван дер Белен во интервју за телевизијата „Пулс 24“ беше прашан за претходните изјави дека е лесно да се разговара со Путин, тој објасни дека е лесно да се разговара со него бидејќи зборувал на германски и дека за време на посетата бил заинтересиран за неговата семејна историја, која е поврзана со Русија.
„Или тој веќе планира колонијалистичка агресивна војна или се промени во изминатите години. Секако, не е важно што, верувам дека Путин ме измами мене, како што го измами целиот свет“, објаснува тој.
Во врска со сè почестите критики за санкциите, Ван дер Белен рече дека сега не е време да се размислува за нивно прекинување.
„Овие санкции се ужасно штетни за Русија, а војната во Украина исто така влезе во фаза каде што е јасно дека Путин очигледно погрешно ја процени ситуацијата. На почетокот сигурно мислеше дека бргу ќе го освои Киев, а сега бележи загуби. Ситуацијата дополнително ја влоши делумната мобилизација во Русија поради што стотици илјади млади луѓе бегаат од земјата. Путин направи грешки во низа прашања. Не ми е јасно што прави руската разузнавачка служба или можеби Путин не им верува“, рече тој.
Ван дер Белен истакна дека ако Европа сега покаже слабост, подоцна ќе плати уште поголема цена. „Бидејќи тој има империјалистичка визија, единственото прашање е која ќе биде следната жртва на Путин“, предупреди тој.
Кога станува збор за зависноста на Австрија од рускиот гас и изјавата дадена во 2018 година за време на посетата на Путин на Австрија за „добро искуство“ со гасот од Русија, Ван дер Белен рече дека направил грешка со тоа што му верувал за рускиот гас.
„Во тој поглед, тоа не беа политички, туку комерцијални одлуки на ОМВ, што и јас го разбрав. Доколку имате деловен партнер со кој сте имале добро искуство повеќе од 50 години, кој нуди добар и поевтин гас од конкуренцијата, тогаш мислите што ќе ви се нови извори. Таквото размислување беше грешка што го направив, типична грешка на економист. Недиверзификацијата беше тешка грешка“, рече тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Европа
Лавров: Москва се уште инсистира на вистинска руска Украина
По повеќе од две години интензивна војна во Украина, рускиот министер за надворешни работи Сергеј Лавров денеска го потврди тврдењето на Москва дека полага право да владее над соседната земја.
„Во најдобар случај, иднината на западна Украина е непозната“, рече Лавров во интервјуто во Москва за неколку руски телевизиски станици.
„Во спротивно ќе има само Украина која е навистина руска, која сака да биде дел од рускиот свет, која сака да зборува руски и да ги образува своите деца“, рече тој.
Не станува збор за каква било алтернатива, смета Лавров, кој е министер за надворешни работи од 2004 година и е лојален поддржувач и доверлив човек на претседателот Владимир Путин.
Русија не сака да ги напаѓа земјите на НАТО, како што се тврди на Запад за да ги исплаши гласачите, рече Лавров. „Но, ако сакаат да го донесат НАТО до нашите граници, тогаш секако дека ќе знаеме како да го спречиме тоа во Украина“, рече тој.
Како и другите високи членови на руското раководство, Лавров рече дека Русија е подготвена за преговори со Украина, но само под посебни услови.
Нема да има прекин на огнот за време на можните преговори, разговорите со украинскиот претседател Володимир Зеленски се бесмислени, а Киев мора да се откаже од својата формула за мир, рече тој.
Во есента 2022 година, Зеленски презентираше десет точки за мир, меѓу кои се издвојуваат повлекувањето на руската армија, реконструкцијата и компензацијата и гонењето на воените злосторници.
Европа
Генералниот секретар на НАТО и вети на Украина дополнителни системи за воздушна одбрана
Сојузниците на НАТО се согласија да обезбедат дополнителни системи за противвоздушна одбрана во Киев, изјави шефот на НАТО Јенс Столтенберг по специјалната средба на министрите за одбрана на сојузниците со украинскиот претседател Володимир Зеленски.
„Покрај „Патриот“, има и други оружја што сојузниците можат да ги обезбедат, вклучувајќи го и SAMP/T (францускиот систем), а многу други кои немаат достапни системи ветија дека ќе обезбедат финансиска поддршка за нивните набавки за Украина“, изјави Столтенберг за новинарите во Брисел.
Зеленски го побара состанокот бидејќи неговата земја се соочува со недостиг на муниција и задржување на клучните американски финансирања, што со месеци е блокирано од републиканците во Конгресот, додека ЕУ не успева да испорача муниција навреме.
Тој во петокот им рече на членките на НАТО дека на Украина и се потребни најмалку седум системи за воздушна одбрана „Патриот“ или други напредни системи за воздушна одбрана за да се спротивстави на руските воздушни напади, повикувајќи ги да ја засилат воената помош за Киев.
Во емотивниот говор преку видео врска, украинскиот лидер го опиша сегашното ниво на странска помош како „многу ограничено“ и рече дека Израел не бил оставен на себе за време на масовниот ирански воздушен напад во саботата.
„(Рускиот претседател Владимир) Путин мора да биде симнат на земјата, а нашето небо мора повторно да стане безбедно… И тоа целосно зависи од вашиот избор… (од) изборот дали сме навистина сојузници“, рече Зеленски во неговиот говор.