Свет
Производителот на „Смирноф“ ќе донира чист алкохол за средство за дезинфекција
Производителот на „Џони Вокер“ и „Смирноф“ вети дека ќе донира доволно алкохол за производство на 8 милиони шишиња течно средство за дезинфекција за да му помогне на медицинскиот персонал во борбата против новиот коронавирус, пренесува „Брејтбарт“.
„Дијагео“, британска компанија за дестилирање, ќе произведе два милиони литри етил алкохол со голема јачина, кој обично се користи за производство на вотка и на џин. Компанијата ќе донира алкохол во компаниите за санитарни производи и ќе им овозможи да произведат осум милиони шишиња течно средство за дезинфекција од 250 мл.
„Здравствените работници се во првите борбени редови против оваа пандемија и ние сме решени да сториме сè што можеме за да ги заштитиме“, вели извршниот директор на „Дијагео“, Иван Менезес. „Ова е најбрзиот и најефикасен начин да одговориме на зголемената побарувачка за течно средство за дезинфекција во светот“.
Миењето на рацете и течно средство за дезинфекција на рацете е една од клучните стратегии во борбата против ширењето на коронавирусот, но во Велика Британија имаше мала залиха од него бидејќи луѓето панично го копија целото количество пред воведувањето на строгиот режим на органичено движење.
„Дијагео“ планира да донира 500.000 литри алкохол за Велика Британија и Ирска и дополнителни 100.000 литри за Италија, епицентарот на пандемијата на коронавирус во Европа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.