Европа
Протасевич во домашен притвор- луѓето на Тихановскаја открија во кој авион сум
Роман Протасевич и неговата девојка кои беа уапсени во Минск на 23 мај по присилното слетување на авионот, излегоа од затвор и сега се во домашен притвор, јавија руските агенции.
Ова го потврдиле и нивните родители. Властите не се огласија, но родителите на младиот пар велат дека обвиненијата против нив за организирање на немирите во Белорусија по претседателските избори не се повлечени.
Софија Сапега има и руско државјанство, а дипломатските претставници на Русија се залагаа за нејзино ослободување. Нејзините родители сметаат дека Путин му предложил на Лукашенко, Софија да биде ослободена од затвор и да чека судење дома. Руски дипломати во Минск тврдат дека на Лукашенко му било сугерирано да ја помилува Сапега. Интересно е што нејзините родители не сакаат да соопштат во кој стан се наоѓа нивната ќерка во Минск, бидејќи очигледно властите ја замолиле да не биде во контакт со бројни новинари кои би ја повикале, пишуваат гласилата.
На Софија и било дозволено да биде во контакт само со одредени луѓе. Забрането е да користи Интернет. Може да се сретне само со родителите и адвокат. Нејзините родители исто така тврдат дека таа им рекла дека правилно се однесувале кон неа во затвор.
Дмитриј Протасевич, татко на Роман потврдил дека неговиот син е дома, но не знае каква е судбината на неговиот син со обвинението кое сè уште е во сила.
Сосема неочекувано, Роман зборуваше за тоа како е организирана белоруската опозиција и кога ги добила парите. Протасевич ја призна вината и раскажа се што знаеше.Тој исто така рече дека верува оти луѓето од седиштето на Светлана Тихановскаја и соопштиле на белоруската полиција дека тој бил во авион кој летал од Атина до Вилнус, анализираат медиумите.
Според нив, ослободувањето на опозициската двојка од затвор е нов потег на претседателот Александар Лукашенко, со која тој сака да му покаже на Западот дека не е суров диктатор и дека опозицијата, предводена од Светлана Тихановскаја, е всушност марионетска група што го прави она што и го предлагаат странските спонзори.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Силен земјотрес во Италија, почувствуван и во Словенија и Хрватска
Европско-медитеранскиот сеизмолошки центар (EMSC) соопшти дека вечерва во 22 часот и 20 минути, северниот дел на Италија е погоден од земјотрес со јачина од 5,0 степени според Рихтеровата скала.
Епицентарот на земјотресот бил на 13 километри од градот Толмецо.
Според првите податоци, земјотресот се случил на длабочина од 10 километри.
Се почувствува и во соседните земји, вклучително и Словенија и дел од Хрватска, пишуваат хрватските медиуми.
Европа
Бројот на жртвите во терористичкиот напад во Москва се искачи на 143
Руското Министерство за вонредни ситуации денеска соопшти дека бројот на загинати во терористичкиот напад на Crocus City Hall во предградието на Москва се искачи на 143.
Како што соопшти претходно денеска Рускиот истражен комитет, веќе се идентификувани телата на 84 жртви. Меѓу нив има пет деца на возраст од девет до 16 години.
Нападот на концертната сала Crocus City Hall во Красногорск кај Москва се случи во петокот вечерта, кога неколку вооружени терористи во маскирни униформи влегоа во објектот и отворија оган врз присутните.
Тие активирале експлозивни направи на повеќе места, што предизвикало пожар, поради што се урнал покривот, а концертната сала целосно изгорела.
Европа
Украинците погодија четири руски бродови во жесток ракетен напад
Во неделата, Украинците ја нападнаа руската Црноморска флота во Севастопол, во окупираниот Крим. Соработник на Форбс дава детална анализа на воениот потфат и последиците за двете страни. Првично беше кажано дека биле погодени два руски брода, но ажурираниот извештај на украинските власти вели дека во нападот биле погодени четири брода – со крстосувачки ракети „Storm Shadow“ или „SCALP-EG“, или можеби со ракети Neptune.
Меѓу оштетените пловни објекти, наводно, има два активни амфибиски брода од класата Ропуча, Јамал и Азов, како и неактивен јуришен десантен брод од истата класа по име Костијантин Олшански, кој Русија го заплени од Украина за време на инвазијата на Крим во 2014 година. Четвртиот оштетен брод е разузнавачкиот „Иван Хурс“, кој преживеа напад од беспилотни летала на украинската морнарица пред 10 месеци.
Иако сателитските снимки на Севастопол се чини дека потврдуваат оштетување на неколку бродови, тие не даваат докази за очигледното потонување на ниту еден од нив. Можно е сите четири брода да бидат поправени.
Сепак, овој напад барем привремено ја намали – за околу 15 проценти – црноморската флота, која пред војната броеше околу десетина десантни бродови. Пред една година, кога рускиот гарнизон во јужна Украина беше значително зависен од поморските комуникациски линии за транспорт на муниција до бригадите и полковите на фронтот, ова ќе беше огромен проблем за Кремљ.
Satellite images of all four project 775 ropucha-class landing ships in Sevastopol.
Near one of the ships, a trace of an impact on the pier is visible. Another ship is being towed into the dry dock. But on the satellite images provided, no significant damage to the ships is… https://t.co/wBcb5yWhJb pic.twitter.com/ThIJI1Fwvj— Special Kherson Cat 🐈🇺🇦 (@bayraktar_1love) March 24, 2024
Сепак, руските инженери неодамна ја завршија новата железничка рута меѓу Ростов во јужна Русија и Мариупол во окупирана јужна Украина, што значи дека повеќе нема потреба од транспорт на опрема по морски пат до руските војници на јужниот фронт. Железниците се релативно лесни за поправка и потешко се запираат од бродовите.
Тоа значи дека нападите врз руските десантни бродови не се толку проблематични за Москва како што беа порано. Меѓутоа, ако треба да изберат дали ќе ги уништат и оштетат руските бродови или не, Украинците природно ќе го претпочитаат првото.
Во две години жестоки борби, Украинците оштетија или потопија (со проектили или експлозивни поморски беспилотни летала) седум активни десантни пловила од класата Ропуча и еден десантен брод од класата Тапир. Уништија и еден крстосувач, подморница, брод за снабдување, неколку патролни чамци и две ракетни корвети, а оштетија и еден шпионски брод. Пред почетокот на војната, Црноморската флота броела околу триесет големи бродови.
Со ова темпо, црноморската флота би можела да стане нефункционална во следните 18 месеци до две години. Пошироката руска морнарица не може да направи многу за да го запре падот на флотата, бидејќи не може да се засили со големи бродови.
Големите бродови кои не можат да се движат по копно или реки мора да влезат во Црното Море преку Босфорот, кој е под контрола на Турција.
Таа земја не дозволува завојуваните страни да го користат преминот во време на војна.