Свет
Пукање во синџир продавници во Америка, две лица загинаа
Две лица загинаа, а тројца се ранети во престрелки во четири продавници „7-елевен“ во Јужна Калифорнија, соопштија денеска американските власти.
Најмалку три од четирите престрелки, кои се случија рано наутро во понеделникот, се верува дека се поврзани со истиот вооружен маж, пренесува АП.
Пукањето, најверојатно, се случило по грабежи или обиди за грабежи во четири продавници пред зори на 11 јули, денот кога брендот ја слави својата деловна годишница и дава бесплатни пијалаци.
„Нашите срца се со жртвите и нивните најблиски. Собираме информации за оваа страшна трагедија и соработуваме со истражните органи“, се вели во соопштението на компанијата.
Полицијата сè уште не го утврдила мотивот за престрелките во градовите Риверсајд, Санта Ана, Бреа и Ла Хабра.
„Мислам дека единственото лице што може да одговори на тоа е осомничениот“, рече портпаролот на полициската управа на Риверсајд, каде што првото пукање се случи два часа по полноќ.
Второто пукање се случило околу 3.20 часот наутро, на 40-ина километри во Санта Ана.
Полицајците одговориле на пријавеното пукање во „7-елевен“ во тој град и нашле мртов маж на паркингот.
Портпаролката на полицијата во Санта Ана рече дека насилството се чини дека вклучува обид за грабеж.
Лопез додаде дека детективите веруваат оти осомничениот за убиството на Санта Ана е истата личност што потоа патувала 20 километри до Бреа, каде што вработениот во „7-елевен“ бил пронајден мртов околу 4.18 часот.
Надзорните фотографии објавени од полицијата на Бреа на социјалните мрежи го покажуваат осомничениот, маскиран маж облечен во црн дуксер со качулка, пренесуваат медиумите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Писториус: Русија произведува повеќе оружје отколку што и е потребно за војната во Украина
Германскиот министер за одбрана Борис Писториус тврди дека Русија произведува повеќе оружје отколку што и е потребно за да ја продолжи својата специјална воена операција во Украина.
Во интервју за телевизијата „АРД“, тој беше прашан дали го дели стравот на балтичките земји дека Русија ќе може да ја нападне територијата на НАТО за неколку години, тој одговори дека нема кристална топка за да ја предвиди иднината, пренесе ТАСС.
„Но, она што го велат воените експерти и специјалистите за оружје е дека Русија го зголемува производството на оружје“, рече тој.
Писториус истакна дека поголемиот дел од произведеното не се испраќа на фронт, туку оди во магацини. Според германскиот министер за одбрана, во случај на ескалација ќе биде вклучено целото НАТО.
„Во тој случај треба да можеме да се одбраниме, да водиме војна која ќе ни биде наметната. Затоа не штедиме напори за соодветно опремување на вооружените сили во Европа, во НАТО“, додаде тој.
Европа
Повеќе од сто килограми кокаин пронајдени меѓу банани во супермаркети во Германија
Вработени во неколку германски супермаркети во Берлин и Бранденбург откриле повеќе од 100 килограми кокаин во пакувања со банани, пренесува „Билд“ повикувајќи се на полициски извори.
Во Бранденбург, како што се наведува, во најмалку четири продавници биле пронајдени меѓу 20 и 100 килограми кокаин, пренесува „Танјуг“.
Полицијата во моментот спроведува истрага со проверка на стоката во продавниците поради што сѐ уште не се знае конечната количина дрога во нив, но не и информацијата во колку продавници има.
Регион
Двајцата осомничени за убиството на малата Данка испратени во Специјалната затворска болница
Двајцата осомничени Срѓан Јанковиќ и Дејан Драгијевиќ денеска се испратени во Специјалната затворска болница во Белград на психијатриско вештачење, пишува „Телеграф“.
Во написот медиумот пишува дека осомничениот Дејан Драгијевиќ (50) деталите за убиството на детето ги изнесе во Вишото јавно обвинителство во Заечар. Сепак, тој не сакаше да открие каде го оставил телото на Данка.
Срѓан Јанковиќ (50) не зборувал за делото.
Во Вишото јавно обвинителство во Заечар биле сослушани и родителите на Данка, Ивана и Милош, кои, како што се наведува, опишале како течел денот кога исчезнала ќерка им.
Додека давале исказ, во иста просторија седеле и осомничените за убиството на детето.
Пред рочиштето исказ за „Телеграф“ дал таткото на убиената Данка.
„Смртната казна не им е доволна, треба да бидат во затвор до крајот на животот. Тоа се чудовишта, она што постојано го доживуваме не се опишува. Тоа може да го разбере само родител. Неколкупати ни дојде полиција, ѝ зедоа разни работи на Данка, ништо не знаеме, ниту за крвта на патот ниту во автомоблилот, ништо. Не ни е јасно зошто не се јавиле во итната помош, зошто не помогнале, но го направиле ова што го направиле. Тоа што јас и Ивана постојано страдаме е страшно, разни луѓе ни се јавуваат, нѐ навредуваат, ни ја префрлаат вината. Морав да побарам да го сменам бројот, не можеме повеќе. Кога сѐ ќе заврши, ќе кажеме сѐ“, рече тој.