Свет
Пукање во училиште во Тексас: Најмалку осуммина мртви, напаѓачот тврди дека во дворот поставил бомби
Во средно училиште во Санта Фе, Тексас, денес дошло до пукање од огнено оружје. Локалните медиуми известуваат дека има и мртви. Според првичните информации, најмалку осум ученици биле убиени. Властите порврдија и дека најмалку 12 лица завршиле болница, а меѓу повредените е и еден полицаец.
#breaking Heartbreaking. Look at the police presence at Santa Fe High School right now. I count AT LEAST 75 squad cars. Active shooter incident right now – no confirmation on shooter or victims yet.
Video from KTRK pic.twitter.com/UlIRv2Vvd8— Eric Shackelford (@ABC7Shack) May 18, 2018
Како што е соопштува Си-ен-ен, напаѓачот е уапсен. Во врска со неговиот идентитет, американските медиуми објавија дека станува збор за 17-годишен ученик кој го посетувал училиштето каде што отворил оган. Според најновите информации, кон своите соученици пукал со автоматска пушка. Освен напаѓачот, во врска со пукањето било уапсено уште едно лице. Просторот околу училиштето е опколен од најмалку 75 полициски возила, а три хеликоптери го надлетуваат теренот. Напаѓачот во полиција рекол дека околу училиштето поставил повеќе експлозивни направи.
#BREAKING UPDATE: At least 8 students are dead, and more are injured, in Texas school shooting, according to @KHOU: https://t.co/f2mez0egYa pic.twitter.com/5f5WrJghFr
— KVUE News (@KVUE) May 18, 2018
Неколку сведоци ја опишале ситуацијата на местото на настанот. Учениците слушале истрели и почнале панично да бегаат. Наводно, најпрво слушнале како се активирал училишниот аларм, по што започнало пукањето. Според првите информации, напаѓачот влегол на час по ликовно образование и почнал да пука со пушка.
School shooting in Texas. Early reports not looking good. God bless all!
— Donald J. Trump (@realDonaldTrump) May 18, 2018
Во врска со нападот, американскиот претседател, Доналд Трамп, на Твитер напиша: „Првите извештаи не изгледаат добро, Бог нека ги благослови“.
Последниот сличен вооружен инцидент во американско училиште повторно ја разгоре национална дебата за контролата и правото да се носи оружје. Во него, седумнаесет ученици и вработени беа убиени на 14 февруари во Паркленд, Флорида.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Лавров: Москва се уште инсистира на вистинска руска Украина
По повеќе од две години интензивна војна во Украина, рускиот министер за надворешни работи Сергеј Лавров денеска го потврди тврдењето на Москва дека полага право да владее над соседната земја.
„Во најдобар случај, иднината на западна Украина е непозната“, рече Лавров во интервјуто во Москва за неколку руски телевизиски станици.
„Во спротивно ќе има само Украина која е навистина руска, која сака да биде дел од рускиот свет, која сака да зборува руски и да ги образува своите деца“, рече тој.
Не станува збор за каква било алтернатива, смета Лавров, кој е министер за надворешни работи од 2004 година и е лојален поддржувач и доверлив човек на претседателот Владимир Путин.
Русија не сака да ги напаѓа земјите на НАТО, како што се тврди на Запад за да ги исплаши гласачите, рече Лавров. „Но, ако сакаат да го донесат НАТО до нашите граници, тогаш секако дека ќе знаеме како да го спречиме тоа во Украина“, рече тој.
Како и другите високи членови на руското раководство, Лавров рече дека Русија е подготвена за преговори со Украина, но само под посебни услови.
Нема да има прекин на огнот за време на можните преговори, разговорите со украинскиот претседател Володимир Зеленски се бесмислени, а Киев мора да се откаже од својата формула за мир, рече тој.
Во есента 2022 година, Зеленски презентираше десет точки за мир, меѓу кои се издвојуваат повлекувањето на руската армија, реконструкцијата и компензацијата и гонењето на воените злосторници.
Европа
Генералниот секретар на НАТО и вети на Украина дополнителни системи за воздушна одбрана
Сојузниците на НАТО се согласија да обезбедат дополнителни системи за противвоздушна одбрана во Киев, изјави шефот на НАТО Јенс Столтенберг по специјалната средба на министрите за одбрана на сојузниците со украинскиот претседател Володимир Зеленски.
„Покрај „Патриот“, има и други оружја што сојузниците можат да ги обезбедат, вклучувајќи го и SAMP/T (францускиот систем), а многу други кои немаат достапни системи ветија дека ќе обезбедат финансиска поддршка за нивните набавки за Украина“, изјави Столтенберг за новинарите во Брисел.
Зеленски го побара состанокот бидејќи неговата земја се соочува со недостиг на муниција и задржување на клучните американски финансирања, што со месеци е блокирано од републиканците во Конгресот, додека ЕУ не успева да испорача муниција навреме.
Тој во петокот им рече на членките на НАТО дека на Украина и се потребни најмалку седум системи за воздушна одбрана „Патриот“ или други напредни системи за воздушна одбрана за да се спротивстави на руските воздушни напади, повикувајќи ги да ја засилат воената помош за Киев.
Во емотивниот говор преку видео врска, украинскиот лидер го опиша сегашното ниво на странска помош како „многу ограничено“ и рече дека Израел не бил оставен на себе за време на масовниот ирански воздушен напад во саботата.
„(Рускиот претседател Владимир) Путин мора да биде симнат на земјата, а нашето небо мора повторно да стане безбедно… И тоа целосно зависи од вашиот избор… (од) изборот дали сме навистина сојузници“, рече Зеленски во неговиот говор.
Свет
Си-ен-ен: Сателитските снимки покажуваат дека во Исфахан нема поголеми штети
Според сателитските снимки од вселената до кои ексклузивно дојде Си-ен-ен, се чини дека нема поголема штета во воздушната база која наводно била цел на израелскиот напад во Исфахан.
Сателитски снимки се направени околу 10:18 часот по локално време. Се чини дека нема големи кратери во земјата и нема видливи уништени згради. Меѓутоа, за да се знае со сигурност дали има некаква штета, ќе бидат потребни дополнителни визуелни сателитски снимки, пишува Си-ен-ен.
Сликите не се како обичните сателитски снимки бидејќи се создадени од сателит кој испраќа радарски зраци кои можат да поминат низ облаците, како оние што моментално ги спречуваат сателитите да ја сликаат областа. Овие радарски зраци се одбиваат од објектите на земјата и се враќаат назад кон сателитот.
Иранската новинска агенција ФАРС објави дека една од можните цели бил воен радар во воена база во провинцијата Исфахан, а единствената штета од нападот се скршени прозорци во неколку деловни згради.
Сликите исто така покажуваат дека иранските F-14 Tomcats кои во минатото беа стационирани во воздухопловната база во моментов ги нема. Дополнителни архивски сателитски снимки прегледани од Си-ен-ен покажуваат дека тие F-14 Tomcats не биле таму некое време.