Свет
Путин и Ердоган разговара за примирјето во Сирија и за мировен дијалог во Астана
Претседателите на Русија и на Турција, Владимир Путин и Реџеп Тајип Ердоган, во текот на телефонскиот разговор во четвртокот изразија задоволство од условите од договорот за решавањето на кризата во Сирија и за намерите да ја продолжат заедничката соработка во борбата против тероризмот, информираше Кремљ.
„Изразено беше задоволство од договорот меѓу сириската влада и ткн умерена опозиција за прекин на борбените дејствија на целата територија на Сирија и преминување кон политичко решение, кој беше постигнат со посредување на Русија и на Турција“, објави службата за информирање на рускиот претседател.
Москва и Анкара во сирискиот конфликт, кој започна во март 2011 година, поддржуваат различни страни. Русија стои зад сирискиот алавитски (шиитски) претседател Башар ал-Асад и неговата влада, додека Турција ја поддржува сунитската вооружен опозиција, којашто Западот ја означува како „умерена“ во намерата да ги дистанцира од екстремните исламистички групации. Анкара, исто така, до неодамна инсистираше на заминувањето од политиката на Асад, но се чини дека по приближувањето со Москва го ублажува ставот и се согласува со неговата позиција во политичката транзиција на земјата.
Од Кремљ, исто така, истакнуваат дека „челниците се согласија на натамошно јакнење на соработката во справувањето со тероризмот и, особено, истакнаа дека примирјето не се однесува на терористичките групи, во прв ред на Исламската држава“.
„Во тој контекст беше истакната важноста од преземените напори за организација на процесот на преговарање (меѓу двете завојувани страни во Сирија – з.р.) во Астана“, се истакнува во соопштението на Кремљ.
Претходно Путин и Ердоган со согласија околу неопходноста за спроведување преговори за решавање на состојбата во Сирија во Астана, а казахстанскиот претседател Нурсултан Назарбаев, кој би бил домаќин, ја поддржа таквата иницијатива. Сепак, засега не е одреден датумот за почетокот на тие преговори.
Во четвртокот рускиот претседател објави дека е постигнат договора за прекин на огнот во Сирија и подготвеноста на владата и на вооружените формации на опозицијата да започнат мировни преговори. Според Путин, потпишани се три документа во таа насока.
„Првиот документ е меѓу сириската влада и вооружената опозиција за прекин на огнот на целата територија на Сирија. Вториот документ претставува комплекс од мерки за контрола на режимот на прекинот на огнот и третиот е изјава за подготвеноста за почеток на мировните преговори за решавање на сириската криза“, прецизираше Путин.
Рускиот претседател, исто така, ја поддржа иницијативата на неговиот министер за добрана Сергеј Шојгу за намалување на руското воено присуство во Сирија во атмосфера на новата ситуација по потпишувањето на договорот.
Путин притоа истакна дека Русија „безусловно ќе ја продолжи борбата со меѓународниот тероризам, а и натаму ќе дава поддршка на легалната сириска влада во борбата со тероризмот“. „Се разбира, ќе се придржуваме до договореното кои беа постигнати, вклучително и за развојот на точките на кои се распоредени руските вооружени сили во Тартус и на аеродромот Хмејмим“, додаде.
Министерот Шојгу изјави дека примирјето опфаќа единици во вкупна бројност од 60.000 борци во централниот и северниот дел на Сирија, во чиешто вооружување има и тенкови и артилерија. „Во преговорите учествуваа највлијателните команданти на седум опозициски формации“, додаде Шојгу.
Рускиот министер за надворешни работ Сергеј Лавров истовремено извести дека трите споменати договора ќе бидат претставени во Советот за безбедност на ОН. Според него процесот за постигнување мир во Сирија што го започнаа Русија и Турција со поддршка на Иран бил поздравен од генералниот секретар на ОН во заминување, Бан Ки-мун, како и од неговиот наследник на должноста Антонио Гутереш.
„Во текот на целиот овој заеднички процес со турската и иранската страна, ги информиравме за нашите дејствија нашите партнери во регионот“, рече Лавров./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Вучиќ: За Словенците мислам се најдобро, но нема да им се извинувам на нивните политичари
Претседателот на Србија Александар Вучиќ денеска во Њујорк изјави дека не сака да го навреди народот на Словенија и дека го мисли најдоброто за нив, но дека нема намера да им се извинува на нивните политичари бидејќи, како што рече, водат одвратна политика.
„Реков дека Словенците се одвратни, мислејќи на седницата на Советот за безбедност. Тоа беше темата и на сите им беше јасно дека се работи за поединецот и се работи за нивната политика. Сигурно не треба да се користи вокабуларот, но јас на човечки начин кажав што мислам за нивната политика“, рече Вучиќ во обраќањето пред новинарите.
Тој додаде дека на Словенците им мисли најдобро како народ и дека има многу пријатели и роднини во Словенија.
„Ако некого сум навредил, сакам да и се извинам на целата јавност во Словенија и истовремено да кажам дека нема да им се извинувам на словенечките политичари, бидејќи тие водат одвратна политика кон Србија и српскиот народ“, рече Вучиќ.
Тој додаде дека неговата изјава е извадена од контекст и е оценета како нешто „страшно“, но дека нарушувањето на територијалниот интегритет на Србија не е оценето како „страшно“.
„Не е страшно што ја спонзорираат резолуцијата за Сребреница против нашиот народ, без претходно да не консултираат, да не информираат или да не прашаат. Ја користам можноста да ги поканам, премиерот на Словенија, Роберт Голоб и претседателката на Словенија Наташа Пирц Мусар во Белград и Србија. Дефинитивно треба уште еднаш да се извинам, да укажам дека секако не мислев на Словенците, туку да им кажам в лице што мислам за нивната лоша политика кон Србија и српскиот народ“, заклучи Вучиќ.
Свет
Кулеба: Неприфатливо е Украинците надвор од државата да седат во ресторани, додека други умираат
Министерот за надворешни работи на Украина со ентузијазам ги пофали американските политичари за одобрувањето на долго одложуваниот пакет воена помош од 61 милијарда долари за Украина, но предупреди дека новите испораки нема веднаш да го свртат бранот на војната.
„Алелуја“, изјави Дмитро Кулеба во интервју за „Гардијан“, запрашан за реакцијата на гласањето на американскиот Сенат во вторникот. Тој рече дека „неговото верување е дека ќе има позитивен исход“, но Западот мора „да сфати дека ерата на мирот во Европа е завршена“ и да ја изгради својата одбранбена индустрија.
Во интервју за „Гардијан“, Кулеба рече дека се надева оти Белата куќа ќе претстави нов пакет оружје „за неколку дена, можеби дури и часови“ и дека е „само прашање на логистика“ да се префрлат залихите на линија на фронтот.
Претставници на Пентагон најавија дека одредена муниција веќе е складирана во Европа, а се очекува меѓу приоритетите да бидат артилериската и противвоздушната одбрана.
Кулеба, исто така, рече дека Украина идентификувала седум системи за воздушна одбрана „Патриот“ кои би можела да ги користи за заштита на цивилите во поголемите градови надвор од Киев.
Тој исто така додаде дека украинскиот претседател Володимир Зеленски разговарал со Џо Бајден за воената помош во понеделникот. Кулеба рече дека сојузниците на Украина треба да се префрлат од „изразување сочувство на Украинците и ветување помош за закрепнување за да се спречи загубата на животи и уништувањето на земјата“.
Тој рече дека враќањето на американската воена помош, која со месеци ја задржуваат републиканците кои се усогласени со Доналд Трамп, нема да биде доволно за да се победи Русија. „Ниту еден пакет не може да ги запре Русите. Она што ќе ги спречи Русите е обединет фронт на цела Украина и сите нејзини партнери“.
Кулеба рече дека Западот треба да го зголеми своето производство на оружје, како што направи Украина, бидејќи Русија го престигна. „Русија ја надминува Украина со околу 10 спрема еден, додека Украина е без воздушна одбрана.
Кога гледам што постигна Русија во изградбата на одбранбена индустриска база за две години војна и што постигна Западот, мислам дека нешто не е во ред со Западот“, рече Кулеба. „Западот мора да разбере дека ерата на мирот во Европа е завршена.
Врвот на воено-индустриското производство на сојузниците на Украина не се очекува до крајот на 2024 година“, рече шефот на дипломатијата, посочувајќи дека Киев предвидува дека војната ќе продолжи и следната година. Се очекува Русија да започне летна офанзива и се верува дека е во процес на мобилизирање на дополнителни 100.000 војници за борбата.
„Не знам што ќе се случи утре или како ќе се однесуваат политичките елити во САД. Она што го научивме од првиот претседателски мандат на Доналд Трамп е дека има излез од секоја криза“, рече тој.
Кулеба рече дека одлуката за откажување на конзуларните услуги за украинските мажи на борбена возраст кои живеат во странство, објавена во вторникот, е праведна бидејќи „момчињата во рововите се многу уморни“.
„Тие не разбираат зошто владата не се обидува да привлече повеќе луѓе во воените напори“, рече тој. Кулеба рече дека не е јасно колку Украинци ќе се вратат, но неприфатливо е оние надвор од земјата да „седат во ресторани“, додека други умираат.
„Мислам дека на крајот на оваа војна само едната страна ќе преживее, а тоа ќе биде Украина. Но, кога велам преживее, не мислам дека Русија ќе престане да постои како земја“, вели тој.
Свет
Русија и Украина договорија размена на децата одвоени од нивните семејства за време на војната
Руската комесарка за правата на децата Марија Лвова-Белова денеска изјави дека Русија и Украина се договориле за размена на децата кои биле одвоени од нивните родители за време на конфликтот меѓу двете земји.
Преговорите за размената се водеа со посредство на Катар, при што беше договорено Москва да прими 19 деца и 29 од нив да испрати во Украина, пишува РТ.
Белова изјавила дека владата на Катар го следи списокот на деца кои ќе бидат разменети, како и дека ова е прво преговарање во живо меѓу Москва и Киев од почетокот на војната, пренесува Танјуг.