Свет
Путин и Лукашенко заеднички ги надгледуваат вежбите на руските нуклеарни сили
Рускиот претседател Владимир Путин во саботата нареди започнување на голема вежба во која учествуваат нуклеарни тријадни сили.
Путин и белорускиот претседател Александар Лукашенко од Контролниот центар на палатата во Кремљ го следеа лансирањето на балистички ракети во вежба во која учествуваа нуклеарни тријадни сили.
Нуклеарната тријада е тричлена структура на воени сили која се состои од копнени нуклеарни проектили, подморници вооружени со нуклеарни проектили и стратешки авиони со нуклеарни бомби и проектили.
Според Министерството за одбрана на Русија, во претходно планираната вежба учествуваат руските воздушни и вселенски сили, Јужниот воен округ, стратешките ракетни сили и северната и црноморската флота. Целта на обемната вежба со која се тестираат балистички и тактички водени ракети е стратешко одвраќање.
Како што претходно беше соопштено од руското Министерство за одбрана, вежбите за стратешко одвраќање „се планираат однапред, за проверка на подготвеноста на воените командни центри, лансирање борбени тимови, екипажи на борбени бродови, носачи на ракети за извршување на зададените мисии, како и доверливоста на нуклеарно и конвенционално оружје“.
Putin has begun massive Russian nuclear exercises with a few ballistic missile launches, the Kremlin says. Russia has the world’s largest nuclear arsenal, with just under 4,500 warheads – it’s a very stern signal to the west not to mess with Moscow on Ukraine.
— max seddon (@maxseddon) February 19, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
ЕУ и Кина повикаа на воздржаност на Блискиот исток
Кина објави дека се противи на каква било ескалација на тензиите на Блискиот Исток.
„Кина се противи на какви било активности кои би можеле дополнително да ги ескалираат тензиите“, изјави денеска Лин Џијан, портпарол на кинеското Министерство за надворешни работи.
Реагираше и претседатката на Европската комисија, Фон дер Лајен.
Таа ги повика Иран, Израел и нивните сојузници да се воздржат од ескалација на ситуацијата на Блискиот Исток.
„Апсолутно е неопходно регионот да остане стабилен и сите страни да се воздржат од понатамошни активности“, рече Урсула фон дер Лајен.
Претходно утрово, светските медиуми објавија дека Израел го нападнал Иран и дека се слушнале три експлозии во близина на воена база во централниот град Исфахан.
Сепак, засега нема официјални информации од двете држави за тоа што се случувало.
Свет
Разузнавачки извор за Си-ен-ен: Директните напади меѓу Израел и Иран завршија
Регионален разузнавачки извор рече дека директните напади меѓу Израел и Иран се завршени.
Изворот разговарал за Си-ен-ен под услов да остане анонимен околу два и пол часа по објавувањето на нападите. Изворот вели дека, според неговите сознанија, не се очекува Иран да одговори на нападот, но не наведе причина.
Претходно и висок ирански функционер изјави за „Ројтерс“ дека „Иран нема план за итна одмазда против Израел“.
Израел сѐ уште не потврдил дека го извршил нападот врз Иран, а тврдењата за нападот дојдоа од Вашингтон.
Од друга страна, од Иран доаѓаат контрадикторни информации, но нема официјален извештај.
Пред само еден час ирански аналитичар изјави за иранската државна телевизија дека „мини дроновите соборени од противвоздушната одбрана во Исфахан биле управувани од инфилтратори од Иран“.
Претходно, пак, ирански функционер изјави за „Ројтерс“ дека немало ракетен напад и дека експлозиите биле резултат на активирање на иранските системи за противвоздушна одбрана.
Свет
Украина тврди дека соборила руски бомбардер
Украинските воздухопловни сили денеска соопштија дека собориле руски стратешки бомбардер првпат од почетокот на руската инвазија, а Москва објави дека авионот се урнал поради технички дефект и дека еден член на екипажот загинал.
„Првпат противвоздушните ракетни единици на Военото воздухопловство во соработка со одбранбеното разузнавање на Украина го уништија стратешкиот бомбардер со долг дострел ‘ту-22М3’, кој носи крстосувачки ракети ‘Х-22’“, изјави командантот на украинските воздухопловни сили на „Телеграм“.
Украинската воена разузнавачка служба (ГУР) соопшти дека рускиот авион „бил соборен благодарение на специјалната операција спроведена од украинското одбранбено разузнавање во соработка со воздухопловните сили“.
Руското Министерство за одбрана не потврди дека украинската страна нападнала еден нејзин авион, но воен извор изјавил за новинската агенција ТАСС дека бомбардерот „туполев-22М3“ се урнал во регионот Ставропол по борбена мисија додека се враќал во базата. Според овој извор, авионот не носел оружје.