Свет
Путин: Чекор по чекор руската армија го ослободува Донбас
Рускиот претседател Владимир Путин изјави дека руската армија е на чекор од ослободување на Донбас, пренесува РИА.
Украинската армија губи сè повеќе и повеќе.
Лишена од стратегија, обучена армија и образована за употреба на модерно оружје добиено од Запад, Украина е принудена да ги повлече своите сили.
Станува извесно дека украинскиот претседател Володимир Зеленски нема намера да ги спречи непотребните загуби.
Тој издава наредби за агресивно повлекување што најмногу влијае на самата украинска војска.
Денеска руското Министерство за одбрана излезе со соопштение во кое се наведува дека високопрецизно оружје на руските воздухопловни сили погодило контролен пункт на странски платеници, при што загинале најмалку 100, а биле ранети над 50 платеници.
Се додава дека руските воздухопловни сили нападнале борбени позиции на 53-та механизирана и 68-та пешадиско-пушкачка бригада на вооружените сили на Украина во близина на градовите Угледар, Добропоље и селото Воџаноје во Доњецката Народна Република.
Шефот на Доњецката Народна Република Денис Пушилин изјави дека руската специјална операција во Украина претставува крај на осумгодишната војна за Донбас.
– Операцијата за ослободување ни го означува крајот на војната – рече Пушилин.
Рускиот претседател Владимир Путин денеска изјави дека руската армија чекор по чекор ја ослободува земјата од Донбас, пренесе Новости.рс.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Емануел Макрон: Постои ризик Европа да умре
Францускиот претседател Емануел Макрон изјави дека „постои ризик Европа да умре“ за време на говорот на Универзитетот Сорбона во Париз.
Макрон истакна дека битката за изградба на силна Европа е далеку од завршена и ризикува да заостане зад светските ривали во наредната деценија, пренесува Ројтерс.
Европа, како што оцени Макрон, е на пресвртна точка и мора да стори повеќе за да се натпреварува со забрзаното вооружување на своите глобални ривали.
Свет
Хамас: Ќе станеме политичка партија ако се формира палестинска држава
Заменик-претседателот на политбирото на Хамас за Газа, Калил ал-Хаја, рече дека палестинската милитантна група е подготвена да се договори за петгодишно примирје со Израел и да се претвори во политичка партија доколку се формира палестинска држава со границите од 1976 година.
Ал Хаја, претставник на Хамас во преговорите за прекин на огнот и враќање на заложниците, рече дека групата ќе прифати „целосно суверена палестинска држава на Западниот брег и Појасот Газа и враќање на палестинските бегалци во согласност со меѓународните резолуции“.
Во интервју за „Асошиетед прес“ тој додаде дека во тој случај военото крило на Хамас ќе биде распуштено.
„Сите искуства на луѓето што се бореле против окупаторите, кога се осамостоија и ги освоија своите права и својата земја, се претворија во политички партии, а нивните борбени сили се претворија во национална армија“, рече тој.
Тој оцени дека долго најавуваната израелска копнена офанзива во градот Рафа нема да го победи Хамас.
Свет
Погодена железница во Украина, оштетен и облакодер: Русите нападнаа со моќниот „Искандер“
Руски проектил оштети критична инфраструктура и повреди шест лица во регионот Черкаси во централна Украина, изјави регионалниот гувернер.
Во нападот беше погодена цивилната и железничката инфраструктура во градот Смила, изјави портпаролот на украинските воздухопловни сили, Илја Јевлаш, во телевизиски пренос. Според првичните информации, во нападот бил употребен проектил „Искандер-К“, додаде Јевлаш.
Оштетени се и 47 приватни станбени згради и искршени се прозорци во станбена висококатница, објави на „Телеграм“ гувернерот на Черкаси, Ихор Табурец. Украинската воздушна одбрана ја собори воздушната цел, рече тој, додавајќи дека службите за итни случаи се на терен.
Руските сили претходно ја оштетија железничката инфраструктура во нападот на реонот на Днепар на 19 април, како што објавија украинските железници „Укрзализница“ на „Телеграм“.