Европа
Раздвижен ден на италијански пазар и покрај строгите мерки поради коронавирусот
На почетокот на март, кога состојбата со коронавирусот во Италија стана многу тешка, премиерот Џузепе Конте воведе карантин во земјата. На почетокот беше забрането да седи во кафулиња и ресторани поблиску од еден метар оддалеченост и се советуваше што е можно помало движење надвор.
Потоа беше воведен целосен карантин, при што луѓето од домовите можеа да излезат само доколку е неопходно, но и на работа и по намирници. Затворени беа рестораните и кафулињата, како и речиси сите продавници кои не продаваат храна или лекови.
Во земјата се заразени над 115.000 луѓе, а речиси 14.000 починаа. Во ваква ситуација, фоторепортерите на агенцијата ЕПА сликале како изгледа еден пазарен ден во северноиталијанскиот град Падова, кон средината и крајот на март.
На фотографиите од крајот на месецот може да се види дека на земјата е обележан простор за одржување на потребното растојание, но сепак не сите луѓе се придржуваат до правилото. Граѓаните пазарат на отворено, поглемиот дел од нив носат маски, иако, во принцип, се преблиску едни до други.
Погледнете како изгледа купувањето намирници на италијански пазар во време на коронавирус:
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Повеќе од сто килограми кокаин пронајдени меѓу банани во супермаркети во Германија
Вработени во неколку германски супермаркети во Берлин и Бранденбург откриле повеќе од 100 килограми кокаин во пакувања со банани, пренесува „Билд“ повикувајќи се на полициски извори.
Во Бранденбург, како што се наведува, во најмалку четири продавници биле пронајдени меѓу 20 и 100 килограми кокаин, пренесува „Танјуг“.
Полицијата во моментот спроведува истрага со проверка на стоката во продавниците поради што сѐ уште не се знае конечната количина дрога во нив, но не и информацијата во колку продавници има.
Европа
Шпанскиот премиер размислува да се повлече од функцијата, отворена истрага против неговата сопруга
Шпанскиот премиер Педро Санчез денеска објави дека се повлекува од јавните должности затоа што мора „да застане и да размисли“ дали ќе продолжи да биде шеф на владата откако судот во Мадрид отвори прелиминарна истрага против неговата сопруга за корупција и трговско влијание.
„Итно ми треба одговор на прашањето дали вреди, дали да продолжам да ја водам владата или да се откажам од оваа чест“, објави тој преку социјалната мрежа „Икс“.
Синдикатот Манос Лимпијас (Чисти раце) ја пријавил неговата сопруга Бегона Гомез дека им помагала на претприемачите на јавни тендери и го искористила тоа. Судот претходно денеска соопшти дека отворил истрага, без да даде детали.
Министрите од левичарската влада на Санчез оценија дека се работи за лажен извештај и дека синдикатот што го доставил е близок до екстремната десница.
Европа
Суспендиран рускиот свештеник кој одржа јавна молитва за Навални
Рускиот православен свештеник, кој во март отслужи служба за мртвите за починатиот руски опозициски лидер Алексеј Навални, е суспендиран од свештеничките должности на три години, соопшти Московската епархија на Руската православна црква.
Во соопштението објавено вчера на официјалната веб-страница на епархијата, не се наведува зошто е казнет свештеникот Дмитриј Сафронов. Нему му е забрането да дава благослов, да ја носи облеката и крстот на црковниот свештеник до 2027 година.
Сафронов треба да биде префрлен и во друга црква во Москва за да ги извршува должностите на читател на псалми. По завршувањето на периодот на покајание, врз основа на повратни информации од местото на послушанието, ќе се донесе одлука за можноста за негова понатамошна свештеничка служба“, се вели во соопштението на епархијата.
Сафронов одржа комеморација на 26 март, на која присуствуваа илјадници луѓе кои дојдоа да се простат од Навални, најжестокиот критичар на претседателот Владимир Путин во Русија.
Навални почина во февруари на 47-годишна возраст во казнена колонија на Арктикот.