Свет
Рафаел Надал ја брани Мајорка од поплавите
Додека другите топ 10 тенисери се борат за титулата во Шангај, тениската икона Рафаел Надал поради повреда не може да ја брани титулата во Кина, но ја брани Мајорка од поплави.
Маjорка ја погодија големо невреме и бури, а Рафа се приклучи во акцијата за чистење на калта и водата која навлезе во домовите. Во поплавите загинаа најмалку десет лица, а стотици лица ги напуштија нивните поплавени домови.
Tennis star @RafaelNadal joined in the operation to tidy up after Majorca was hit by extreme floods, which resulted in some deaths.
Read the full story here: https://t.co/ACGdqxnBGI pic.twitter.com/NO0GxJjhy3
— Sky News (@SkyNews) October 11, 2018
Покрај тоа, тој својата тениска академија ја отвори за сите погодени од поплавите, со што предизвика огромен интерес кај шпанските медиуми кои известуваат за неговиот хуманитарен ангажман.
,,Тажен ден за Мајорка. Изразувам најдлабоко сочувство до роднините на загинатите и на оние кои што се погодени од големите поплави. Како што направивме вчера, и денеска го нудиме комплексот на тениската академија Надал на сите оние на коишто им е потребно сместување”, напиша тој на социјалните мрежи.
Three-time Laureus Award winner and tennis icon @RafaelNadal pitches in to help flood victims in the nearby Majorcan town of Sant Llorenç des Cardassar.
Class on and off the court! ? pic.twitter.com/WXPXOZskVL
— Laureus (@LaureusSport) October 10, 2018
Поддршка доби и од неговите колеги, меѓу кои е Александар Зверев.
#GME | At least ten people have been killed after flash floods hit the Spanish island of Mallorca. The eastern part of the island was the worst hit, hundreds of people have been left homeless and a huge clean-up operation lies ahead.https://t.co/Rve1LorsqB pic.twitter.com/D7TVE9kem1
— euronews (@euronews) October 11, 2018
,,Сите слушнаа за трагичните случувања на Мајорка, која ни е е блиска поради Надал. Бев таму, тоа е убаво место. Моите молитви се со вас и со Рафа и се надевам дека наскоро се ќе помине”, порача Зверев.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
САД: Ќе го блокираме полноправното членство на Палестина во ОН, тие треба да преговараат со Израел
САД ќе гласаат против палестинската кандидатура за полноправно членство во Обединетите нации и ќе ја блокираат светската организација да признае палестинска држава.
„САД продолжуваат да тврдат дека најбрзиот пат до државност за палестинскиот народ е преку директни преговори со Израел и палестинската управа со поддршка на САД и други партнери“, рече американскиот претставник.
Планирано е 15-члениот совет да гласа за нацрт-резолуцијата со која се препорачува на Генералното собрание на ОН од 193 држави „Државата Палестина да биде примена во членство во ОН“.
За да усвои резолуцијата, потребни се најмалку девет гласа и никакво вето од САД, Велика Британија, Франција, Русија или Кина. Дипломатите проценуваат дека резолуцијата би можела да собере 13 гласа, што би ги принудило САД да стават вето.
„Одамна јасно ставивме до знаење дека предвремените акции во Њујорк, дури и ако се во најдобар интерес, нема да резултираат со државност за палестинскиот народ“, рече американскиот функционер. Палестинците во моментов имаат статус на набљудувач не-членка, што е де факто признавање на државноста доделена од Генералното собрание на ОН во 2012 година.
Меѓутоа, барањето за полноправно членство мора да биде одобрено од Советот за безбедност, а потоа од најмалку две третини од членовите на Генералното собрание. Засилените напори на Палестина за полноправно членство дојдоа шест месеци по масакрот на Хамас во јужен Израел и војната во Појасот Газа по започнувањето на израелската офанзива и проширувањето на еврејските населби на Западниот Брег.
Генералниот секретар на ОН, Антонио Гутереш, смета дека „повеќе од кога било, неопходно е да се поддржат напорите со добра волја за воспоставување траен мир меѓу Израел и независна, одржлива и суверена палестинска држава“.
Регион
Земјотрес во Србија
Земјотрес со јачина од 2,7 степени според Рихтеровата скала го погоди Чачак.
Според ЕМСЦ, епицентарот бил два километри северно од Чачак и 47 километри западно-северозападно од Крагуевац.
Земјотресот се случил на длабочина од осум километри.
Европа
Уапсен Полјак: „Планирал убиство на Зеленски“
Маж од Полска е уапсен под обвинение дека бил подготвен да шпионира за руското воено разузнавање и да и помогне да го испланира убиството на украинскиот претседател Володимир Зеленски, соопштија полските обвинители, а пренесе Асошиетед прес.
Полското национално обвинителство соопшти дека мажот, идентификуван само како Павел К., бил обвинет дека сакал да ги пренесе безбедносните информации на аеродромот на руски агенти и бил уапсен вчера во Полска.
Човекот побарал контакт со Руси директно вклучени во војната во Украина и се очекувало да пренесе детални информации за аеродромот Жешов-Јасионка во југоисточна Полска, во близина на границата со Украина, кој е портата за меѓународни воени и хуманитарни снабдувања за Украина. Аеродромот е под контрола на американски војници.
Доколку биде прогласен за виновен, тој може да добие и до осум години затвор, се вели во соопштението за печатот.
Обвинителите рекоа дека апсењето е резултат на блиска соработка со обвинителите и безбедносните служби на Украина, кои обезбедија клучни докази. Членката на ЕУ, Полска е цврст поддржувач на соседна Украина и Зеленски во одбрана од руската агресија повеќе од две години.