Свет
Речиси еден милион луѓе заклучени во Вухан поради четири случаи на Ковид-19
Речиси милион луѓе во предградијата на Вухан, централниот кинески град во кој првпат беше откриен коронавирусот, се ставени во карантин.
На жителите на областа Џијангсија им беше кажано да останат во затворени простории три дена по откриените четири асимптоматски случаи на Ковид-19.
Затворени се местата за забава, вклучително и баровите, кината и интернет-кафулињата, малите клиники и земјоделските пазари, рестораните и големите собири, па сѐ до претстави и конференции, кои се суспендирани. Затворени се и сите места за богослужба, верските активности се забранети, а туристичките атракции престанаа да работат.
Целиот јавен превоз, од автобуси до метро, е суспендиран и жителите се повикани да не ја напуштаат областа, освен ако е апсолутно неопходно.
Властите исто така идентификуваа четири високоризични населби, каде што на жителите им е забрането да ги напуштаат своите домови. Уште четири населени места се означени како среден ризик, што значи дека жителите не може да ги напуштат своите имоти.
Кина сè уште се држи до својата стратегија нулта Ковид, која вклучува масовно тестирање, строги правила за изолација и локални заклучувања. Ова резултира со многу помалку смртни случаи отколку во многу други земји.
Сепак, оваа стратегија се соочува со зголемен отпор бидејќи луѓето и бизнисите треба да издржат низа ограничувања, јавува Би-би-си.
Во Вухан, град со речиси 12 милиони луѓе, рутинското тестирање откри два асимптоматски случаја пред два дена. Уште два случаја беа откриени преку следење контакти набргу по воведувањето на заклучувањето.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Пентагон испраќа милијарда долари воена помош за Украина
Пентагон е подготвен брзо да испрати пакет воена помош од милијарда долари за Украина, изјавија неколку американски претставници, додека горниот дом на американскиот Конгрес ја започнува расправата за долгоочекуваниот нацрт-закон за финансирање на Украина и другите сојузници на САД, којa веќе го помина долниот дом.
Членовите на Конгресот беа длабоко поделени околу средствата, поради што претседателот на Претставничкиот дом, Мајк Џонсон, формираше сојуз од двете водечки партии за усвојување на законот.
Пакетот за странска помош од 95 милијарди долари беше усвоен од Претставничкиот дом во саботата, а денеска или утре се очекува одобрување од Сенатот.
Од вкупниот пакет помош околу 61 милијарда долари се наменети за Украина.
Регион
(Видео) Атина прекриена со сахарска прашина, нереални сцени во градот
Атина и јужните делови на земјата повторно беа обвиени со сахарска прашина, со нијанси на жолта и портокалова боја што создава нереална атмосфера во градот.
Облаци од прашина, пренесени преку Средоземното Море од Северна Африка, го обвиле Акропол и другите знаменитости на Атина, пишува „АП“.
Силните јужни ветрови носеа прашина од Сахара, па во последните часови од денот грчката престолнина изгледаше како да е користен филтер за фотографирање, пренесува Euronews.
🚨🇬🇷
HAPPENING NOW
The sky is totally orange over Athens, Greece
— Alex Barnicoat (@mrbarnicoat) April 23, 2024
Во среда се прогнозира разведрување на небото со поместување на ветровите и поместување на прашината и опаѓање на температурите.
Дневниот максимум во делови од јужниот остров Крит надмина 30 степени Целзиусови, повеќе од 20 степени Целзиусови над она што беше забележано во поголемиот дел од северна Грција.
Корисниците на социјалната мрежа Икс објавија видеа од необична „портокалова“ појава од територијата на цела Атина.
Веста за Атина во „портокалово“ многу брзо се прошири низ светските медиуми, а видеата ги споделија и профили на социјалните мрежи кои се занимаваат со глобални актуелни вести.
Свет
Уапсен заменикот на Сергеј Шојгу, осомничен е за примање мито
Рускиот заменик министер за одбрана Тимур Иванов е приведен под сомнение дека примил поткуп, соопштиРускиот истражен комитет.
„Заменик-министерот за одбрана на Русија, Тимур Владимирович Иванов, е приведен поради сомнение дека сторил кривично дело примање поткуп“, се наведува во соопштението објавено на каналот Телеграм на Истражниот комитет, пренесува РИА.
Во 2012 година, Иванов беше вицепремиер на Московскиот регион.
Од 2013 до 2016 година, тој беше генерален директор на АД Оборонстрој.
Во мај 2016 година со претседателски указ е назначен за заменик министер за одбрана.