Свет
Рибари пронашле тела на мигранти кои пловеле по морето со месеци
Во мал брод во близина на брегот на Тринидад и Тобаго на Карибите, рибари пронашле тела на 14 мигранти, пишува италијанскиот весник „Авенире“.
Според состојбата на труповите, тие пловеле по морето со недели, ако не и со месеци.
Според реконструкцијата на полицијата, мигрантите го напуштиле брегот на Источна Африка, според СИМ-картичката на мобилниот телефон пронајден во чамецот, од Мавританија, и наместо 800 километри што ги делеле од Канарските Острови, морските струи ги однеле 5.000 километри далеку од Карибите.
Во морето во моментов се трага по уште три чамци меѓу африканскиот брег и Канарските Острови, чие заминување беше пријавено од членови на семејствата пред три недели, но засега нема вести за судбината на мигрантите кои биле во чамците.
Брод со 24 тела и тројца истоштени мигранти е пронајден во истата област пред еден месец.
Весникот „Авенир“, весник на Италијанската католичка црква, редовно известува за состојбата со мигрантите. Написот проценува дека само оваа година најмалку стотина луѓе го загубиле животот на мигрантската рута по должина на брегот на Источна Африка.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.