Свет
Рохани: Дејствувањата на Белата куќа се ментално ретардирани
Советникот за национална безбедност во Белата куќа, Џон Болтон, по воведувањето на новите американски санкции против Иран, рече дека Вашингтон и натаму е подготвен на разговори со Техеран, а иранскиот претседател го обвини дека лаже.
„Претседателот ја остави отворена вратата за вистински преговори за целосна и доверлива елиминација на иранската нуклеарна програма, неговиот систем на балистички ракети, поддршката на меѓународниот тероризам и другото злосторничко однесување во делови на светот“, рече Болтон во Ерусалим.
„Сè што треба да направи Иран е да влезе низ таа врата“, додаде тој.
САД се повлекоа од нуклеарниот договор од 2015 година, потпишан меѓу светските сили и Иран, чија цел беше спречување на иранската нукеларна програма во замена за укинување на санкциите. Техеран ги отфрли обвинувањата дека развива нуклеарно вооружување.
Трамп вчера потпиша указ за нови санкции кон Иран, насочени кон врховниот лидер, ајатолахот Али Хамнеи, и други високи функционери како одмазда за уривањето на американското беспилотно летало, но некои санкции биле планирани и пред инцидентот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.