Свет
Руското Министерство за одбрана: Американската ПВО не ја заштити Саудиска Арабија зашто е неефикасна
Моќната групација американски противвоздушни системи разместена во Саудиска Арабија не успеа во одбраната од нападот на нафтените постројки во таа земја зашто не е доволно ефикасна, изјави висок претставник на руското Министерство за одбрана, пренесува „Спутник“.
Со оглед на тоа дека ПВО-системите „Еџис“ и „Патриот“ не успеаја да го одвратат големиот воздушен напад, јасно е дека тие не ги исполнуваат карактеристиките што се декларирани на тоа оружје.
„Оправдувањето на американскиот државен секретар, Мајк Помпо, дека ПВО-системите во некои ситуации работат со променлив успех, може да се прифати само ако станува збор за еден комплекс „патриот“, кој штити определен објект, но во Саудиска Арабија, благодарение на САД, е поставена моќна групација, која покрива широко поле на дејства“, објасни тој.
Извор од русиот воен ресор прецизира дека северната граница на Саудиска Арабија ја покриваат 88 лансирни станици „патриот“ од кои 36 се со модификација ПАЦ-2 и уште 52 најнови ПАЦ-3, а покрај тоа, на крајбрежјето на земјата има уште три американски разорувачи што носат системи „Еџис“ со ракети „СМ-2“.
„Како е можно толку моќен ПВО-систем да пропушти десетина дронови и крстосувачки ракети? Причината е само една – овие системи не одговараат на декларираните карактеристики, не се доволно ефикасни против воздушни цели со мал габарит, особено кога станува збор за масовен напад“, вели тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.