Свет
Русија гласа за воведување задолжителен доживотен затвор за педофилите
Според недамнешните измени на кривичниот законик одобрени од руските пратеници, сериските педофили би можеле да го поминат остатокот од својот живот во затвор поради повеќекратно малтретирање малолетници.
Претседателот на Думата, Вјачеслав Володин, изјави дека „оние што претходно биле осудени за насилни дејства врз малолетници или извршиле злосторства над две или повеќе деца ќе бидат казнети“, пишува РТ.
„Продолжуваме да работиме. За нас е од големо значење да ги заштитиме децата од злоупотреба од оние што може да ја искористат својата позиција за такви злосторства“, додаде тој.
„Можеме да ги испратиме да работат во рудниците“
Володин рече дека се преговара за воведување нови околности на кривичното дело, вклучително и во ситуации ако насилството е извршено од лице што живее со дете, како и некој што е одговорен за воспитување, образование и заштита на малолетни лица. Тој додаде дека се разговара за нов пристап за издржување казна за педофилите.
„Можеме да ги испратиме да работат во рудниците на север. Тоа би било многу полошо од смртната казна“, рече Володин.
„Тие не може да се наречат луѓе иако се во човечко тело“
Комисијата ќе ги проучи сите предлози за новиот закон и ќе расправа за него на 7 февруари.
Според важечките руски закони, максималната казна доживотен затвор се изрекува само доколку делото го извршило лице што претходно било осудено за слично дело и малтретирало малолетно лице што не наполнило 14 години. Новиот закон ќе важи за сите такви прекршоци извршени против лица помлади од 18 години.
„Тие не може да се наречат луѓе, иако се во човечко тело. Се надеваме дека оваа мерка ќе ги заштити децата, семејствата и општеството од оние што предизвикуваат непоправлива штета“, напиша Володин на социјалните мрежи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бројот на палестинските жртви во Појасот Газа надмина 34.000
Најмалку 34.049 Палестинци се убиени во израелската воена офанзива во Појасот Газа од 7 октомври, соопшти Министерството за здравство на палестинската енклава.
Во соопштението се додава дека во овој период биле ранети 76.901 лице.
Во текот на претходните 24 часа загинаа 37 Палестинци, а 68 беа повредени, се наведува во објавата.
Регион
(Видео) Силно невреме со поплави во Грција, Волос без струја
Силно невреме ја зафати Грција, поточно Лариса, каде обилните дождови доведоа до излевање на канализацијата, која ги поплави улиците, а во Волос е забележан и прекин на струја.
Врз основа на податоците од метеоролошката станица на Националната опсерваторија во Атина, измерени се просечни 100 милиметри дожд или максимални 312 милиметри на час, поради што полицијата мораше да го прекине сообраќајот бидејќи улиците беа поплавени.
Во градот Волос во текот на ноќта имало проблеми со струјата, но како што пренесуваат грчките медиуми, се е брзо ставено под контрола.
Министерот за цивилна заштита и климатска криза Василис Кикилијас од вчера е во Тесалија за внимателно да го следи развојот на невремето.
– Имаше оправдана загриженост на граѓаните овде во Тесалија бидејќи сеќавањата за катастрофата се свежи, затоа бевме сите овде, координирани и организирани. Драго ми е затоа што досега овој напор се исплатеше. Само со заедничка и координирана работа можеме да добиеме многу добри резултати – најави тој.
Силен дожд и невреме го зафати јужниот дел на Пелион, а како што јавуваат медиумите паднал и град. Овој регион во септември минатата година беше соочен со разорни поплави.
Ненадејна промена на времето се случи и на големите височини во централна и северна Грција, каде падна снег.
„Снежно невреме е забележано во ски-центарот на Василица“, се наведува.
Во меѓувреме, населението е најмногу загрижено за земјиштето околу езерото Карла на границата на Магнезија и Лариса, кои беа поплавени во септември минатата година. Полињата, па дури и воените инсталации во Стефановики се под тони вода.
Свет
Десетгодишно дете призна дека убило човек пред две години, полицијата во Тексас во шок
Десетгодишно дете од американската сојузна држава Тексас, кое било испрашувано поради наводна закана дека ќе го убие својот соученик, им кажало на инспекторите дека убил човекот пред две години без никаква причина, соопштија органите на редот.
Според законите во Тексас, детето не може да биде обвинето за злосторството бидејќи во моментот на убиството имало помалку од 10 години, пренесува CBS News.
Момчето им кажало на училишните службеници дека пукало и убило човек во 2022 година, соопшти канцеларијата на шерифот на округот Гонзалес.
Како што е наведено, момчето им дало на истражителите информации за убиството на 32-годишниот Брендон О’Квин Резбери на 18 јануари 2022 година во Никсон, Тексас.
Тој рече дека тој ден бил кај својот дедо на гости во паркот за кампери во близина на местото каде што живеел Резбери, и дека извадил пиштол од кабината на камионот на неговиот дедо, влегол во комбето на Резбери, пукал во него и го убил.
Тој исто така изјавил дека никогаш претходно не го видел Расбери и дека убиениот не направил ништо за да го налути.
На 12 април, инспекторите го пронајдоа пиштолот користен за убиството на Разбери во заложна продавница во блискиот град, но бидејќи детето имало помалку од 10 години кога го извршило злосторството, не може да биде обвинет за убиството во 2022 година.
Детето е обвинето во врска со заканата упатена кон соученик и се наоѓа во малолетнички притвор, каде го чека почетокот на судењето.