Свет
Русија им го продолжи притворот на шест од 24 украински морнари
Московскиот суд „Лефортово“ го прифати барањето на истражителите да им се продолжи притворот за уште три месеци, односно до 24 октомври, на шестмина од 24 украински морнари уапсени во инцидентот во теснината Керч, пренесува ТАСС.
Судот соопшти дека во блиска иднина ќе ги разгледа сличните барања и за преостанатите украински морнари.
На 15 јули рускиот комесар за човекови права Татјана Москалкова изјави за украинскиот телевизиски канал „Пријамој“ дека Русија е подготвена да ги ослободи украинските морнари и да ги врати бродовите ако Киев преземе обврска да обезбеди нивно редовно учество во судската постапка.
Рускиот заменик-министер за надворешни работи, Григориј Карасин, истиот ден изјави дека Русија и Украина разговарале за размена на украинските морнари.
Меѓународниот суд за поморско право (ИТЛОС) не ѝ се обрати на Русија за прекинување на кривичната постапка против морнарите, но го иницира прашањето за нивното ослободување или менување на мерката на ограничување.
Инцидентот во теснината Керч се случи на 25 ноември 2018 година кога три брода на украинската морнарица ја прекршија процедурата за минување низ рускте територијални води и покрај предупредувањата да запрат од руските вооружени сили.
Украинските воени бродови ги игнорираа предупредувањата по што дојде до размена на оган. На крајот украинските бродови беа запленети и однесени во пристаништето во Керч, а потоа беше поведена кривична истрага против нивните екипажи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Емануел Макрон: Постои ризик Европа да умре
Францускиот претседател Емануел Макрон за време на говорот на Универзитетот „Сорбона“ во Париз изјави дека постои ризик Европа да умре.
Макрон истакна дека битката за изградба на силна Европа е далеку од завршена и ризикува да заостане зад светските ривали во наредната деценија, пренесува „Ројтерс“.
Европа, како што оцени Макрон, е на пресвртна точка и мора да стори повеќе за да се натпреварува со забрзаното вооружување на своите глобални ривали.
Свет
Хамас: Ќе станеме политичка партија ако се формира палестинска држава
Заменик-претседателот на политбирото на Хамас за Газа, Калил ал-Хаја, рече дека палестинската милитантна група е подготвена да се договори за петгодишно примирје со Израел и да се претвори во политичка партија доколку се формира палестинска држава со границите од 1976 година.
Ал Хаја, претставник на Хамас во преговорите за прекин на огнот и враќање на заложниците, рече дека групата ќе прифати „целосно суверена палестинска држава на Западниот брег и Појасот Газа и враќање на палестинските бегалци во согласност со меѓународните резолуции“.
Во интервју за „Асошиетед прес“ тој додаде дека во тој случај военото крило на Хамас ќе биде распуштено.
„Сите искуства на луѓето што се бореле против окупаторите, кога се осамостоија и ги освоија своите права и својата земја, се претворија во политички партии, а нивните борбени сили се претворија во национална армија“, рече тој.
Тој оцени дека долго најавуваната израелска копнена офанзива во градот Рафа нема да го победи Хамас.
Свет
Погодена железница во Украина, оштетен и облакодер: Русите нападнаа со моќниот „Искандер“
Руски проектил оштети критична инфраструктура и повреди шест лица во регионот Черкаси во централна Украина, изјави регионалниот гувернер.
Во нападот беше погодена цивилната и железничката инфраструктура во градот Смила, изјави портпаролот на украинските воздухопловни сили, Илја Јевлаш, во телевизиски пренос. Според првичните информации, во нападот бил употребен проектил „Искандер-К“, додаде Јевлаш.
Оштетени се и 47 приватни станбени згради и искршени се прозорци во станбена висококатница, објави на „Телеграм“ гувернерот на Черкаси, Ихор Табурец. Украинската воздушна одбрана ја собори воздушната цел, рече тој, додавајќи дека службите за итни случаи се на терен.
Руските сили претходно ја оштетија железничката инфраструктура во нападот на реонот на Днепар на 19 април, како што објавија украинските железници „Укрзализница“ на „Телеграм“.