Свет
Русија: Новата вакцина против коронавирус 100 проценти ефикасна
Вакцината против коронавирусот „епивакорона“ е имуноген и безбеден препарат за спречување на болеста, потврдиле резултатите од клиничките испитувања објавени во руски медицински списанија.
Списанијата ги објавиле резултатите од клиничките испитувања меѓу волонтерите на возраст од 18 до 60 години.
Објавената статија покажува дека тестовите биле спроведени во две фази.
Првата фаза била отворена студија за безбедност, реактогеност и имунолошка активност во која учествувале 14 волонтери, на возраст од 18 до 30 години.
Втората фаза се состои од едноставна компаративна рандомизирана студија контролирана со плацебо, во која биле вклучени 86 волонтери на возраст од 18 до 60 години, се вели во соопштението.
„Вакцината со две дози произведе антигени специфични антитела кај 100 проценти од волонтерите, кои се дел од вакцината“, велат експертите.
Вакцината „епивакорона“ е направена од Новосибирскиот институт „Вектор“ и таа е втора вакцина против коронавирусот, регистрирана во Русија, пишуваат руските медиуми.
Тоа се случи на 14 октомври 2020 година. Еден месец подоцна, креаторите на вакцини добија одобрение да спроведат ново истражување во трета фаза, вклучително и кај постари лица.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Емануел Макрон: Постои ризик Европа да умре
Францускиот претседател Емануел Макрон за време на говорот на Универзитетот „Сорбона“ во Париз изјави дека постои ризик Европа да умре.
Макрон истакна дека битката за изградба на силна Европа е далеку од завршена и ризикува да заостане зад светските ривали во наредната деценија, пренесува „Ројтерс“.
Европа, како што оцени Макрон, е на пресвртна точка и мора да стори повеќе за да се натпреварува со забрзаното вооружување на своите глобални ривали.
Свет
Хамас: Ќе станеме политичка партија ако се формира палестинска држава
Заменик-претседателот на политбирото на Хамас за Газа, Калил ал-Хаја, рече дека палестинската милитантна група е подготвена да се договори за петгодишно примирје со Израел и да се претвори во политичка партија доколку се формира палестинска држава со границите од 1976 година.
Ал Хаја, претставник на Хамас во преговорите за прекин на огнот и враќање на заложниците, рече дека групата ќе прифати „целосно суверена палестинска држава на Западниот брег и Појасот Газа и враќање на палестинските бегалци во согласност со меѓународните резолуции“.
Во интервју за „Асошиетед прес“ тој додаде дека во тој случај военото крило на Хамас ќе биде распуштено.
„Сите искуства на луѓето што се бореле против окупаторите, кога се осамостоија и ги освоија своите права и својата земја, се претворија во политички партии, а нивните борбени сили се претворија во национална армија“, рече тој.
Тој оцени дека долго најавуваната израелска копнена офанзива во градот Рафа нема да го победи Хамас.
Свет
Погодена железница во Украина, оштетен и облакодер: Русите нападнаа со моќниот „Искандер“
Руски проектил оштети критична инфраструктура и повреди шест лица во регионот Черкаси во централна Украина, изјави регионалниот гувернер.
Во нападот беше погодена цивилната и железничката инфраструктура во градот Смила, изјави портпаролот на украинските воздухопловни сили, Илја Јевлаш, во телевизиски пренос. Според првичните информации, во нападот бил употребен проектил „Искандер-К“, додаде Јевлаш.
Оштетени се и 47 приватни станбени згради и искршени се прозорци во станбена висококатница, објави на „Телеграм“ гувернерот на Черкаси, Ихор Табурец. Украинската воздушна одбрана ја собори воздушната цел, рече тој, додавајќи дека службите за итни случаи се на терен.
Руските сили претходно ја оштетија железничката инфраструктура во нападот на реонот на Днепар на 19 април, како што објавија украинските железници „Укрзализница“ на „Телеграм“.