Свет
Русија привремено ја ограничи зоната на летови над Црното Море
Русија најави дека привремено ќе ги ограничи летовите на цивилната авијација во регионот над Црното Море и Крим од 20 до 24 април, според оперативните информации за промените во правилата за спроведување и обезбедување летови (НОТАМ).
Зоната што е опасна за летовите го вклучува регионот над јужниот дел на Крим (од Севастопол до Феодосија), над територијалните води на Русија по должина на јужниот брег на Крим, како и над дел од меѓународните води на Црното Море.
Според најавата, во некои зони забраната за летови ќе важи само над 11.900 метри (т.е. над нивото на летот на цивилното воздухопловство), а во некои над 6.100 метри, додека во одредени области зоните ќе бидат целосно затворени.
Портпаролот на Кремљ, Дмитриј Песков нема информации дали Русија привремено ги ограничи летовите над Крим и Црното Море.
На новинарско прашање дали руските власти забележуваат ескалација на напнатоста на границата со Украина, Песков одговори дека привремено се воведени ограничувања во некои сектори за воздушен сообраќај – тоа е апсолутно нормална практика во светот.
„Постојат стандардни системи за известување итн. Ова не е ништо ново“, додаде портпаролот на рускиот лидер.
Russia Blocks Flights Over Black Sea, Crimea Amid Military Drills https://t.co/LA40YHt5xM
— Isabelle Facon (@IFacon) April 20, 2021
Како што нагласи претставникот на Кремљ, елементот на напнатост во самата Украина засега не исчезна. Тој сè уште постои.
„Се надеваме на најдобро, но несомнено е потребно посебно внимание“, заклучи Песков.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Прашина од Африка стигна во Грција: небото над Атина стана портокалово
Небото над Атина, главниот град на Грција, стана портокалово поради огромните облаци од прашина што пристигнаа од Африка.
Грчкото здружение за пулмологија ги предупреди граѓаните дека честичките од пустинската прашина во атмосферата се опасни за луѓето со респираторни проблеми.
🚨#WATCH: As the Saharan dust has turnt the sky of Athens, Greece completely orange.
The Sahara dust is turning the sky into a vibrant orange across Athens, Greece. The wave of dust began yesterday and is forecasted to peak today.
pic.twitter.com/jo7fAwNIv4— R A W S G L 🌎 B A L (@RawsGlobal) April 23, 2024
На луѓето со респираторни и срцеви проблеми им се советуваше да не се занимаваат со активности на отворено, да ги држат прозорците затворени и да користат маски кога се на отворено.
Грчкиот метеоролог Костас Лагувардос објави на „Фејсбук“ дека Атина изгледа како колонија на Марс.
HAPPENING NOW: *Orange sky* – African dust blanketing Greece created an eerie image that made Athens look like a colony on Mars, Greek meteorologist reportedly says pic.twitter.com/qXicm92YPE
— Bruce Snyder (@realBruceSnyder) April 23, 2024
Поради пустинската прашина, намалена е видливоста во центарот на градот и регионот, а грчката метеоролошка служба соопшти дека во северна и западна Грција се очекува дожд од прашина.
In Athens, the sky turned orange due to a large amount of dust brought from the Sahara Desert, pic.twitter.com/Xie3o7Ovku
— S p r i n t e r F a c t o r y (@Sprinterfactory) April 23, 2024
Свет
(Видео) Авион двапати се одби од пистата во Лос Анџелес: „Ова е најгрубото слетување што сме го снимиле“
На аеродромот во Лос Анџелес во живо е снимено неверојатно слетување на авионот на „Луфтханза“.
Имено, за време на слетувањето, авионот еднаш, а потоа и вторпат се одби од пистата и повторно полета предизвикувајќи шокирани реакции кај коментаторите во преносот од аеродромот.
„Што? Леле, леле, леле. Мислам дека ова е најгрубото слетување што некогаш сме го снимиле“.
Кога повторно се нашол во воздухот, авионот со маневрирање успеал да слета на пистата и безбедно да го заврши летот.
The moment a Lufthansa plane performed a rejected landing, or a ‘touch-and-go’, was caught on a livestream.
🎥 Airline Videos Live via YouTube pic.twitter.com/BpYSGuwMCG— Daily Mail Online (@MailOnline) April 24, 2024
Свет
ЕУ инвестира повеќе од 65 милиони евра во развој на вештачка интелигенција
Европската комисија (ЕК) најави дека ќе инвестира повеќе од 65 милиони евра во развојот на вештачката интелигенција (АИ), вклучително и 50 милиони наменети за финансирање проекти насочени кон развој на нови начини за комбинирање на податоците.
ЕК објави повици за предлози за финансирање проекти во областа на вештачката интелигенција и квантната технологија во рамките на програмата за истражување и иновации „Хоризонт Европа“ од 2023 до 2024 година, објави АНСА.
ЕК наведува дека проектите се насочени кон подобрување на доверливоста на системите за вештачка интелигенција и обезбедување значителен увид во процесите на донесување одлуки за вештачка интелигенција.