Свет
Руската вакцина против коронавирус на претклинички тестови кај лица на возраст меѓу 18 и 60 години
Рускиот државен Истражувачки центар за вирологија и биотехнологија „ Вектор“ формираше прелиминарна група волонтери на возраст меѓу 18 и 60 години за претклинички испитувања на вакцина против новиот коронавирус, рече истражувачката Наталија Думченко, пренесува ТАСС.
Генералниот директор на „Вектор“, Ринат Максјутов, рече на почетокот од април дека претклиничките тестови ќе почнат на почетокот на мај и ќе траат до 22 јуни. Вакцината е веќе тестирана кај животни.
„Формиравме прелиминарна група од волонтери на возраст меѓу 18 и 60 години, со потврден здрав статус. Со други зборови, имаме здрави волонтери без хронични состојби “, рече Думченко.
Таа рече дека поголемиот дел од тие волонтери се вработени во „Вектор“ кои се вклучени во развивање на вакцината и во проверката на нејзиниот квалитет.
„Пред вакцинацијата – не порано од една недела претходно – ќе се спроведе дополнителен преглед на здравјето за да се потврди здравствениит статус и отсуството на антитела на вирусот кај волонтерите”, додаде Думченко.
Кон крајот на декември 2019 година, кинеските власти ја известија Светската здравствена организација (СЗО) за појава на претходно непозната пневмонија во градот Вухан, во централна Кина. Оттогаш, пријавени се случаи на новиот коронавирус – наречен Ковид-19 од страна на СЗО – во секој дел на светот, вклучително и во Русија.
На 11 март 2020 година СЗО ја прогласи појавата на коронавирусот за пандемија. Според најновите статистички податоци, заразени се повеќе од 2.414.000 луѓе во светот и пријавени се повеќе од 165.000 смртни случаи.
Досега, вкупно 47.121 случаи на коронавирус се потврдени во Русија, при што 3.446 пациенти закрепнале од вирусот. Најновите податоци на Русија укажуваат на 405 смртни случаи на национално ниво.
Претходно, руската влада воспостави Интернет телефонска линија за да ја задржи јавноста во тек со состојбата со коронавирусот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
САД: Ќе го блокираме полноправното членство на Палестина во ОН, тие треба да преговараат со Израел
САД ќе гласаат против палестинската кандидатура за полноправно членство во Обединетите нации и ќе ја блокираат светската организација да признае палестинска држава.
„САД продолжуваат да тврдат дека најбрзиот пат до државност за палестинскиот народ е преку директни преговори со Израел и палестинската управа со поддршка на САД и други партнери“, рече американскиот претставник.
Планирано е 15-члениот совет да гласа за нацрт-резолуцијата со која се препорачува на Генералното собрание на ОН од 193 држави „Државата Палестина да биде примена во членство во ОН“.
За да усвои резолуцијата, потребни се најмалку девет гласа и никакво вето од САД, Велика Британија, Франција, Русија или Кина. Дипломатите проценуваат дека резолуцијата би можела да собере 13 гласа, што би ги принудило САД да стават вето.
„Одамна јасно ставивме до знаење дека предвремените акции во Њујорк, дури и ако се во најдобар интерес, нема да резултираат со државност за палестинскиот народ“, рече американскиот функционер. Палестинците во моментов имаат статус на набљудувач не-членка, што е де факто признавање на државноста доделена од Генералното собрание на ОН во 2012 година.
Меѓутоа, барањето за полноправно членство мора да биде одобрено од Советот за безбедност, а потоа од најмалку две третини од членовите на Генералното собрание. Засилените напори на Палестина за полноправно членство дојдоа шест месеци по масакрот на Хамас во јужен Израел и војната во Појасот Газа по започнувањето на израелската офанзива и проширувањето на еврејските населби на Западниот Брег.
Генералниот секретар на ОН, Антонио Гутереш, смета дека „повеќе од кога било, неопходно е да се поддржат напорите со добра волја за воспоставување траен мир меѓу Израел и независна, одржлива и суверена палестинска држава“.
Регион
Земјотрес во Србија
Земјотрес со јачина од 2,7 степени според Рихтеровата скала го погоди Чачак.
Според ЕМСЦ, епицентарот бил два километри северно од Чачак и 47 километри западно-северозападно од Крагуевац.
Земјотресот се случил на длабочина од осум километри.
Европа
Уапсен Полјак: „Планирал убиство на Зеленски“
Маж од Полска е уапсен под обвинение дека бил подготвен да шпионира за руското воено разузнавање и да и помогне да го испланира убиството на украинскиот претседател Володимир Зеленски, соопштија полските обвинители, а пренесе Асошиетед прес.
Полското национално обвинителство соопшти дека мажот, идентификуван само како Павел К., бил обвинет дека сакал да ги пренесе безбедносните информации на аеродромот на руски агенти и бил уапсен вчера во Полска.
Човекот побарал контакт со Руси директно вклучени во војната во Украина и се очекувало да пренесе детални информации за аеродромот Жешов-Јасионка во југоисточна Полска, во близина на границата со Украина, кој е портата за меѓународни воени и хуманитарни снабдувања за Украина. Аеродромот е под контрола на американски војници.
Доколку биде прогласен за виновен, тој може да добие и до осум години затвор, се вели во соопштението за печатот.
Обвинителите рекоа дека апсењето е резултат на блиска соработка со обвинителите и безбедносните служби на Украина, кои обезбедија клучни докази. Членката на ЕУ, Полска е цврст поддржувач на соседна Украина и Зеленски во одбрана од руската агресија повеќе од две години.