Свет
Руската православна црква ќе го регулира егзорцизмот по серијата смртни случаи предизвикани од аматери
Во 2021 година темите како демони, духови и егзорцизми не се баш на врвот на агендата, но во Русија теолошката комисија на Православната црква подготвува нов предлог за регулирање на славниот древен обред, пренесува РТ.
Егзорцизмот, вообичаен во одредени гранки на христијанската вера, е средство за наводно истерување демони за кои се вели дека поседуваат некоја личност. Тоа одамна е практика во источната Православна црква, па дури е и дел од најчесто користениот молитвеник „Евхологија“. Текстот вклучува ритуал на истерување демони од свети Василиј Велики, една од највлијателните личности во црквата.
Според митрополитот волоколамски Иларион од Руската православна црква, практиката на егзорцизам во моментот не постои во сите цркви, а новиот документ ќе претстави предлози за негова унификација и регулирање.
„До неговото објавување не можам да ја соопштам неговата содржина“, рече митрополитот.
Ова не е првпат Иларион, кој работи и како раководител на Одделот за надворешни црковни односи на Московската патријаршија, да зборува за егзорцизам. Во декември минатата година митрополитот побара верниците да се воздржат од извршување обреди на егзорцизам истакнувајќи дека церемонијата може да ја спроведе само обучен свештеник.
Неговото барање следуваше по објавувањето видео од Гушевка, во близина на Волгоград, каде што селаните истерувале демони од 10-годишно дете.
Егзорцизмите исто така се најдоа и во вестите годинава, а полицијата во Санкт Петербург отвори кривична постапка во врска со смртта на едно петгодишно момче. Според ТВ-каналот „360“, момчето било убиено од неговата мајка, која верувала дека нејзиниот син е опседнат од демони и извела обред на егзорцизам.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
САД: Ќе го блокираме полноправното членство на Палестина во ОН, тие треба да преговараат со Израел
САД ќе гласаат против палестинската кандидатура за полноправно членство во Обединетите нации и ќе ја блокираат светската организација да признае палестинска држава.
„САД продолжуваат да тврдат дека најбрзиот пат до државност за палестинскиот народ е преку директни преговори со Израел и палестинската управа со поддршка на САД и други партнери“, рече американскиот претставник.
Планирано е 15-члениот совет да гласа за нацрт-резолуцијата со која се препорачува на Генералното собрание на ОН од 193 држави „Државата Палестина да биде примена во членство во ОН“.
За да усвои резолуцијата, потребни се најмалку девет гласа и никакво вето од САД, Велика Британија, Франција, Русија или Кина. Дипломатите проценуваат дека резолуцијата би можела да собере 13 гласа, што би ги принудило САД да стават вето.
„Одамна јасно ставивме до знаење дека предвремените акции во Њујорк, дури и ако се во најдобар интерес, нема да резултираат со државност за палестинскиот народ“, рече американскиот функционер. Палестинците во моментов имаат статус на набљудувач не-членка, што е де факто признавање на државноста доделена од Генералното собрание на ОН во 2012 година.
Меѓутоа, барањето за полноправно членство мора да биде одобрено од Советот за безбедност, а потоа од најмалку две третини од членовите на Генералното собрание. Засилените напори на Палестина за полноправно членство дојдоа шест месеци по масакрот на Хамас во јужен Израел и војната во Појасот Газа по започнувањето на израелската офанзива и проширувањето на еврејските населби на Западниот Брег.
Генералниот секретар на ОН, Антонио Гутереш, смета дека „повеќе од кога било, неопходно е да се поддржат напорите со добра волја за воспоставување траен мир меѓу Израел и независна, одржлива и суверена палестинска држава“.
Регион
Земјотрес во Србија
Земјотрес со јачина од 2,7 степени според Рихтеровата скала го погоди Чачак.
Според ЕМСЦ, епицентарот бил два километри северно од Чачак и 47 километри западно-северозападно од Крагуевац.
Земјотресот се случил на длабочина од осум километри.
Европа
Уапсен Полјак: „Планирал убиство на Зеленски“
Маж од Полска е уапсен под обвинение дека бил подготвен да шпионира за руското воено разузнавање и да и помогне да го испланира убиството на украинскиот претседател Володимир Зеленски, соопштија полските обвинители, а пренесе Асошиетед прес.
Полското национално обвинителство соопшти дека мажот, идентификуван само како Павел К., бил обвинет дека сакал да ги пренесе безбедносните информации на аеродромот на руски агенти и бил уапсен вчера во Полска.
Човекот побарал контакт со Руси директно вклучени во војната во Украина и се очекувало да пренесе детални информации за аеродромот Жешов-Јасионка во југоисточна Полска, во близина на границата со Украина, кој е портата за меѓународни воени и хуманитарни снабдувања за Украина. Аеродромот е под контрола на американски војници.
Доколку биде прогласен за виновен, тој може да добие и до осум години затвор, се вели во соопштението за печатот.
Обвинителите рекоа дека апсењето е резултат на блиска соработка со обвинителите и безбедносните служби на Украина, кои обезбедија клучни докази. Членката на ЕУ, Полска е цврст поддржувач на соседна Украина и Зеленски во одбрана од руската агресија повеќе од две години.