Свет
Руските морнари киднапирани од крајбрежјето на Камерун, најверојатно, се во Нигерија
Тројцата руски морнари кои неодамна беа киднапирани од пиратите крај брегот на Камерун, најверојатно, се во Нигерија, изјави извор во компанијата за вработување, пренесува „Спутник“.
„Никој не е повреден, никој не е болен. Тие добиле облека и лекови против маларија“, вели изворот.
На прашањето каде се киднапираните морнари, изворот рече дека, најверојатно, се во Нигерија прецизирајќи дека сите киднапирани членови на екипажот се чуваат на истата локација.
Според изворот, морнарите ги оценуваат условите таму како нормални. Тој посочи дека претходно истиот ден бил воспоставен контакт со пиратите, но тие не ги кажале своите барања.
Повеќенаменскиот карго-брод „Мармалаита“ на германската компанија „Мар консулт Шифахерт“, кој плови под знамето на Антигва и Барбуда, беше нападнат од пиратите во близина на пристаништето Дуала на 15 август. Пиратите киднапирале осум од вкупно 12 члена на екипажот. Бродот не беше запленет и сè уште е закотвен во пристаништето.
Германската компанија сопственик на бродот рече дека прави сè што може за да се справи со случајот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.