Свет
Руски делегат во УНЕСКО: Санкциите на Киев против културните локации на Крим се залудни
Неодамнешните санкции што Украина ги наметна против музеите, културните локации и научните организации на Крим немаат практичен ефект, вели рускиот постојан делегат во УНЕСКО, Александар Кузњецов, пренесува „Спутник“.
„Ставањето културни и едукативни места на Крим на овој т.н. список со санкции покажува дека украинските власти ги гледаат овие места, кои, според Киев, се наоѓаат во Украина, со презир и рамнодушност“, рече Кузњецов додавајќи дека т.н. санкции немаат практична употреба.
Кузњецов исто така истакна дека Крим нема ефикасна соработка со УНЕСКО во услови на притисок од Киев и од неговите западни сојузници.
„За нив, Украина и западните земји главно е да продолжат да го иницираат прашањето за територијалниот спор на Крим бидејќи го отфрлаат историскиот избор направен во 2014 година кога огромното мнозинство од кримското население гласаше за обединување со Русија“, рече тој.
На 14 мај украинскиот претседател, Владимир Зеленски, го прошири списокот со санкции во Киев против руските државни институции и приватни компании и на него вклучи музеи, универзитети и културни места. На листата со санкционирани се најдоа Државниот универзитет во Москва, Руското географско друштво, музејот „Ермитаж“, како и едукативни установи и научни организации на Крим.
Полуостровот повторно влезе во рамките на Русија пролетта 2014 година по промената на власта во Украина и регионалниот референдум, на кој повеќе од 95 отсто од гласачите го поддржаа повторното обединување. Западните земји и Киев не го признаваат новиот статус на Крим и ја обвинија Москва за мешање во внатрешните работи на Украина, но Москва ги негира сите тврдења за мешање и тврди дека референдумот е спроведен во согласност со меѓународното право.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.