Свет
Руски научници: водата помага при истражување вируси
Научниците од Државниот универзитет во Тјумен откриле дека микрокапките што лебдат над загреаната површина на водата може да се соберат во структури со „забранета“ симетрија.
Таквaта појава ќе помогне подобро да се разбере како се однесуваат бактериите во аеросолите, па дури и вирусите слични на САРС-КоВ-2, кои предизвикуваат пандемија на Ковид-19.
„Бактериите и вирусите се пренесуваат на долги растојанија по аеросолен пат. Сепак, невозможно е да се фокусирате на капка аеросол под микроскоп за да испитате како се однесуваат микроорганизмите“, изјави Михаил Носоновски, научен соработник на лабораторијата за микрофлуидни технологии на Институтот за еколошка и земјоделска биологија, и професор на Универзитетот „Висконсин“ во Америка.
Научниците формирале кластери на капки со ласерско загревање на површината на водата. Нивното внимание го привлече група од триесетина капки. Се покажа дека обликот на мали гроздови не мора да биде само шестаголен, како во саќето на пчелите.
„Видовме нетипични и ’забранети’ форми: квадратни, петаголни и седумаголни. Доволно е да се додаде само една капка за целосно да се промени структурата на целиот грозд. Со такви мали гроздови полесно е да се работи – колку помалку капки, толку полесно се следат“, објасни Носоновски.
Приоритетната задача на научниците е да создадат единствена технологија за истражување микроорганизми на ниво на одделни аеросолни микрокапки што се следи со текот на времето.
Ова истражување е поддржано од Руската фондација за наука.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.