Свет
САД ги продолжуваат разговорите со Турција за тампон-зона во Североисточна Сирија
САД ги продолжуваат разговорите со Турција за создавање тампон-зона во Североисточна Сирија по повлекувањето на американските војници од оваа област, изјави во вторникот заменик-портпаролот на американскиот Стејт департмент, Роберт Паладино.
„Ние сме активно ангажирани со Турција во врска со ова, и тоа е дел од нашите напори за да се осигура безбедно повлекување на силите на САД и стабилизирана Североисточна Сирија. Нема да влегувам во детали за специфичностите на овие разговори, но ќе посочам дека тие продолжуваат”, рече Паладино.
Паладино, исто така, ја потврди решеноста на Вашингтон да ги повлече американските воени сили од Сирија.
„Како што претседателот Трамп велеше од самиот почеток, САД ќе ги повлекуваат своите сили од Сирија на начин кој е планиран и координиран и ќе продолжиме да работиме заедно во борбата против Исламска држава, но во моментов немаме временски рамки за кои треба да разговараме”, рече тој.
Минатата недела во Вашингтон се одржаа низа средби меѓу американски и турски официјални претставници на кои се разговараше за создавање безбедносна зона од градот Јарабулус, на западниот брег на Еуфрат , до граничниот премин Фиш Кабурна тромеѓето меѓу Сирија, Турција и Ирак.
На 14 февруари американскиот претседател, Доналд Трамп, изјави дека САД ќе ја уништат Турција економски ако ги нападне Курдите во регионот по повлекувањето на американските сили од Сирија. Тој, исто така, рече дека Курдите треба да се воздржат од провокации против Турција и посочи дека во северна Сирија треба да се формира тампон-зона од 32 км.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
„Само се шалевме“ – уапсените поради тврдењата за исчезнатото девојче се донесени во полиција
Тројцата кои беа уапсени во Босна и Хервеговина, а тврдеа дека имаат информации за исчезнатото девојче од Србија, Данка Илиќ и бараа пари, во полиција рекле дека „само се шегувале“, пренесува Н1 Сараево.
Федералната полициска управа вечерва уапси три лица кои на социјалните мрежи тврдеа дека имаат информации за исчезнувањето на двегодишното девојче од Србија, Данка Илиќ, по коешто трага речиси целиот регион.
Како што јави известувачот на Н1, уапсените биле донесени во зградата на Федералната полициска управа.
Како што се дознава, за време на преносот во живо на „Тик-ток“, тие побарале десетици евра за да ја откријат локацијата на девојчето и тврделе дека ја чуваат во подрумот.
Веднаш по апсењето изјавиле дека „само се шегувале“. Сите уапсени се членови на исто семејство.
Инспекторите на Одделот за компјутерски криминал на Федералната полициска управа преку ИП адресата ги лоцираше лицата кои тврделе дека имаат информации за исчезнувањето на детето.
Вчера на социјалните мрежи се појави видео од надзорната камера на куќа лоцирана во близина на местото каде исчезна Данка Илиќ во 13:45 часот.
На видеото се гледа автомобил кој брза во 13 часот и 47 минути, а малото девојче исчезнало малку пред тоа, односно во 13 часот и 45 минути, како што рекла нејзината мајка.
Свет
Тешка автобуска несреќа во Јужна Африка, загинаа 45 лица
Министерството за транспорт на Јужна Африка денеска соопшти дека 45 лица загинале, а едно лице е повредено во автобуска несреќа кај Маматлакала во северната провинција Лимпопо.
Министерството објави дека возачот изгубил контрола над автобусот, кој потоа удрил во бариерите на мостот, по што возилото паднало преку мостот, удрило во земјата и се запалило.
Автобусот превезувал луѓе од Боцвана до Морија, град во Лимпопо.
Спасувачките операции продолжија до доцна денеска.
Некои тела изгореле до непрепознатливост, а некои патници останале заробени во урнатините на автобусот, соопштија сообраќајните власти во Лимпопо.
Регион
Барале 25.000 евра за да дадат информации за исчезнатото девојче: детали за апсењето на три лица во БиХ
Припадниците на полицијата привеле три лица, кои се осомничени дека преку ТикТок објавиле дека се поврзани со исчезнувањето на девојчето Данка Илиќ (2) во Србија.
„Федералната полициска управа, постапувајќи според актот на НЦБ Интерпол Белград, презеде мерки и дејствија од нејзина надлежност, што резултираше со лишување од слобода на три лица на територијата на Хаџиќ, Сараево“, беше потврдено и кои се сомничат дека имале сознанија за исчезнување на малолетно девојче од Србија.
Инспекторите на Одделот за компјутерски криминал на Федералната полициска управа, ги лоцирале по пат на ИП адреса лицата кои тврделе дека имаат информации за исчезнувањето на малолетно девојче, односно барале 25.000 евра за откривање информации.
„Малолетното девојче не е пронајдено на територијата на Хаџиќ, а кривичната истрага за лицата лишени од слобода е во тек“, изјави сојузниот инспектор Ервин Мушиновиќ.
Девојчето Данка Илиќ (2) во вторникот исчезна во Бањско поле кај Бор.
Оттогаш, потрагата по неа трае, а во Србија за прв пат е активиран системот амбер алерт.