Свет
САД ги суспендираа приватните чартер-летови за Куба
САД објавија дека ги суспендираат приватните чартер-летови кон Куба со цел да ја остават комунистичката карипска земја без економски ресурси.
Американскиот државен секретар, Мајк Помпео, изјави дека тој му наредил на американското Министерство за транспорт да ги прекине летовите меѓу САД и Куба затоа што режимот (на кубанскиот лидер) на Раул Кастро користи фондови за туризам за да ги финансира своите злоупотреби и мешање во Венецуела.
„На диктаторите не смее да им се дозволува да профитираат од американското патување“, додаде Помпео.
Помпео ја критикува Куба дека продолжува да затвора новинари и активисти за демократија и дека ја задушува верската слобода.
„Нашата администрација ќе продолжи да ги намалува средствата што кубанската влада ги добива од авионските такси, сместувања во хотели во сопственост на режимот и други приходи поврзани со туризмот“, рече Помпео.
Одлуката за суспензија на САД не се однесува на јавни чартер-летови кон Хавана или за приватни чартер-летови поврзани со обезбедување итна медицинска помош или мисии за спасување.
Односите меѓу Вашингтон и Хавана значително се заладија по доаѓањето на Доналд Трамп на чело на САД. Неговиот претходник Барак Обама водеше политика за подобрување на односите со Куба.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.