Свет
САД и ЕУ го критикуваат планот на Иран за збогатување ураниум до 60 отсто
САД и европските земји, кои се потписнички на иранскиот нуклеарен договор, вчера се спротивставија на одлуката на Техеран да збогати ураниум со чистота од 60 отсто, при што врвен американски дипломат го оцени овој потег како провокативен и посочи дека ја доведува во прашање сериозноста на Иран во врска со разговорите, пренесува „Мидл Ист монитор“.
Иран најави дека ќе збогати ураниум до 60 отсто – голем чекор поблиску до 90 отсто, што е материјал за оружје – како одговор на, како што рече, актот на саботажа од Израел против клучниот нуклеарен објект на Иран минатата недела.
Државниот секретар на САД, Ентони Блинкен, рече дека намерата на Техеран иницира прашања во врска со неговата сериозност во текот на разговорите во Виена меѓу Иран и светските сили за заживување на нуклеарниот договор од 2015 година.
Нуклеарниот договор се распаѓа откако поранешниот американски претседател, Доналд Трамп, се повлече од него во 2018 година и ги врати економските санкции кон Исламската Република. Минатата недела Иран и неговите потписнички одржаа конструктивни разговори за враќање на договорот.
Велика Британија, Франција и Германија исто така рекоа дека новата одлука на Техеран е во спротивност со разговорите. Тие рекоа дека ги отфрлаат сите ескалациски мерки од кој било актер – очигледен сигнал до Израел.
„Опасната неодамнешна комуникација на Иран е во спротивност со конструктивниот дух и добрата волја на овие дискусии“, се вели во соопштението на европските земји за разговорите, кои продолжуваат меѓу Иран и глобалните сили во Виена, со цел спасување на договорот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Прашина од Африка стигна во Грција: небото над Атина стана портокалово
Небото над Атина, главниот град на Грција, стана портокалово поради огромните облаци од прашина што пристигнаа од Африка.
Грчкото здружение за пулмологија ги предупреди граѓаните дека честичките од пустинската прашина во атмосферата се опасни за луѓето со респираторни проблеми.
🚨#WATCH: As the Saharan dust has turnt the sky of Athens, Greece completely orange.
The Sahara dust is turning the sky into a vibrant orange across Athens, Greece. The wave of dust began yesterday and is forecasted to peak today.
pic.twitter.com/jo7fAwNIv4— R A W S G L 🌎 B A L (@RawsGlobal) April 23, 2024
На луѓето со респираторни и срцеви проблеми им се советуваше да не се занимаваат со активности на отворено, да ги држат прозорците затворени и да користат маски кога се на отворено.
Грчкиот метеоролог Костас Лагувардос објави на „Фејсбук“ дека Атина изгледа како колонија на Марс.
HAPPENING NOW: *Orange sky* – African dust blanketing Greece created an eerie image that made Athens look like a colony on Mars, Greek meteorologist reportedly says pic.twitter.com/qXicm92YPE
— Bruce Snyder (@realBruceSnyder) April 23, 2024
Поради пустинската прашина, намалена е видливоста во центарот на градот и регионот, а грчката метеоролошка служба соопшти дека во северна и западна Грција се очекува дожд од прашина.
In Athens, the sky turned orange due to a large amount of dust brought from the Sahara Desert, pic.twitter.com/Xie3o7Ovku
— S p r i n t e r F a c t o r y (@Sprinterfactory) April 23, 2024
Свет
(Видео) Авион двапати се одби од пистата во Лос Анџелес: „Ова е најгрубото слетување што сме го снимиле“
На аеродромот во Лос Анџелес во живо е снимено неверојатно слетување на авионот на „Луфтханза“.
Имено, за време на слетувањето, авионот еднаш, а потоа и вторпат се одби од пистата и повторно полета предизвикувајќи шокирани реакции кај коментаторите во преносот од аеродромот.
„Што? Леле, леле, леле. Мислам дека ова е најгрубото слетување што некогаш сме го снимиле“.
Кога повторно се нашол во воздухот, авионот со маневрирање успеал да слета на пистата и безбедно да го заврши летот.
The moment a Lufthansa plane performed a rejected landing, or a ‘touch-and-go’, was caught on a livestream.
🎥 Airline Videos Live via YouTube pic.twitter.com/BpYSGuwMCG— Daily Mail Online (@MailOnline) April 24, 2024
Свет
ЕУ инвестира повеќе од 65 милиони евра во развој на вештачка интелигенција
Европската комисија (ЕК) најави дека ќе инвестира повеќе од 65 милиони евра во развојот на вештачката интелигенција (АИ), вклучително и 50 милиони наменети за финансирање проекти насочени кон развој на нови начини за комбинирање на податоците.
ЕК објави повици за предлози за финансирање проекти во областа на вештачката интелигенција и квантната технологија во рамките на програмата за истражување и иновации „Хоризонт Европа“ од 2023 до 2024 година, објави АНСА.
ЕК наведува дека проектите се насочени кон подобрување на доверливоста на системите за вештачка интелигенција и обезбедување значителен увид во процесите на донесување одлуки за вештачка интелигенција.