Свет
САД и Кина ја договорија првата фаза од трговскиот договор
Американскиот претседател Доналд Трамп изјави дека САД со Кина ја договориле првата фаза од трговскиот договор, според која Вашингтон ќе се откаже од воведување царини за увоз на кинески артикли, додека Пекинг ќе го зголеми купувањето на американски земјоделски производи.
„Постигнавме многу детален договор од првата фаза со Кина. Тие се согласија на многу структурни промени и огромно купување на земјоделските производи, енергетски и индустриски производи и уште многу други“, напиша Трамп на Твитер.
Тој додаде дека нема да се наплаќаат казнените царини утврдени на 15 декември поради фактот што е постигнат договор. Трамп најави дека ќе почнат преговорите за втората фаза.
„Оваа е исклучителен договор за сите. Ви благодарам!“, напиша Трамп на Твитер.
Во меѓувреме Канцеларијата на американскиот трговски претставник (УСТР) објави дека САД прифатиле „значително“ да ги модифицираат своите царини за кинеските производи во првата фаза од трговскиот договор со Пекинг, а Кина да купува многу повеќе американски артикли и услуги.
Според договорот, Вашингтон ќе ги задржи 25 процентните царини на околу 250 милијарди долари американски увоз од Кина, додека царините воведени на кинеските производи во вредност од 120 милијарди долари ќе се намали на 7,5 отсто.
Во соопштението од УСТР се наведува дека трговскиот договор бара структурни реформи на кинескиот економски и трговски режим во областите на интелектуалната сопственост, трансфер на технологијата, земјоделството, финансиските услуги, девизниот курс. Договорот вклучува и „силен систем за решавање на споровите“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Пентагон испраќа милијарда долари воена помош за Украина
Пентагон е подготвен брзо да испрати пакет воена помош од милијарда долари за Украина, изјавија неколку американски претставници, додека горниот дом на американскиот Конгрес ја започнува расправата за долгоочекуваниот нацрт-закон за финансирање на Украина и другите сојузници на САД, којa веќе го помина долниот дом.
Членовите на Конгресот беа длабоко поделени околу средствата, поради што претседателот на Претставничкиот дом, Мајк Џонсон, формираше сојуз од двете водечки партии за усвојување на законот.
Пакетот за странска помош од 95 милијарди долари беше усвоен од Претставничкиот дом во саботата, а денеска или утре се очекува одобрување од Сенатот.
Од вкупниот пакет помош околу 61 милијарда долари се наменети за Украина.
Регион
(Видео) Атина прекриена со сахарска прашина, нереални сцени во градот
Атина и јужните делови на земјата повторно беа обвиени со сахарска прашина, со нијанси на жолта и портокалова боја што создава нереална атмосфера во градот.
Облаци од прашина, пренесени преку Средоземното Море од Северна Африка, го обвиле Акропол и другите знаменитости на Атина, пишува „АП“.
Силните јужни ветрови носеа прашина од Сахара, па во последните часови од денот грчката престолнина изгледаше како да е користен филтер за фотографирање, пренесува Euronews.
🚨🇬🇷
HAPPENING NOW
The sky is totally orange over Athens, Greece
— Alex Barnicoat (@mrbarnicoat) April 23, 2024
Во среда се прогнозира разведрување на небото со поместување на ветровите и поместување на прашината и опаѓање на температурите.
Дневниот максимум во делови од јужниот остров Крит надмина 30 степени Целзиусови, повеќе од 20 степени Целзиусови над она што беше забележано во поголемиот дел од северна Грција.
Корисниците на социјалната мрежа Икс објавија видеа од необична „портокалова“ појава од територијата на цела Атина.
Веста за Атина во „портокалово“ многу брзо се прошири низ светските медиуми, а видеата ги споделија и профили на социјалните мрежи кои се занимаваат со глобални актуелни вести.
Свет
Уапсен заменикот на Сергеј Шојгу, осомничен е за примање мито
Рускиот заменик министер за одбрана Тимур Иванов е приведен под сомнение дека примил поткуп, соопштиРускиот истражен комитет.
„Заменик-министерот за одбрана на Русија, Тимур Владимирович Иванов, е приведен поради сомнение дека сторил кривично дело примање поткуп“, се наведува во соопштението објавено на каналот Телеграм на Истражниот комитет, пренесува РИА.
Во 2012 година, Иванов беше вицепремиер на Московскиот регион.
Од 2013 до 2016 година, тој беше генерален директор на АД Оборонстрој.
Во мај 2016 година со претседателски указ е назначен за заменик министер за одбрана.