Свет
САД не планираат да ги подмират давачките кон СЗО во висина од 80 милиони долари
САД нема да платат околу 80 милиони долари долг кон Светската здравствена организација (СЗО), но ќе ги пренасочат тие пари за да ги подмират своите давачки во Обединетите нации во Њујорк, изјави денеска американски официјален претставник.
САД планираат да ја напуштат СЗО со седиште во Женева на 6 јули 2021 година, откако претседателот Доналд Трамп ја обвини организацијата на ОН дека станала марионета на Кина за време на пандемијата на коронавирусот.
СЗО ги отфрли обвинувањата на Трамп, потсетува „Ројтерс“.
„Ве упатиме на нашите претходни изјави дека жалиме за одлуката на Соединетите Држави да се повлечат“, рече портпаролката на СЗО како одговор на барањето за коментар.
„Чекаме дополнителни детали, кои внимателно ќе ги разгледаме“, додала таа.
Според заедничката резолуција на американскиот конгрес од 1948 година, Трамп мора да го извести СЗО една година однапред за повлекувањето на САД од организацијата, а Вашингтон е должен да го плати она што го должи во тековната фискална година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.