Свет
САД обвинуваат за руски хакерски напад врз електроенергетска компанија во Вермонт
Руски хакери извеле напад врз електроенергетска компанија во источната американска сојузна држава Вермонт, но тоа не се одразило на функционирањето на електроенергетската мрежа, објави погодената компанија, без да го навее периодот кога се случил наводниот напад.
Како што пишува весникот The Washington Post, агенти на американското Федерални биро за истраги FBI, кодот кој им се опишува на наводните руски хакери во операцијата „ Grizzly Steppe“ како што ја нарекува администрацијата на претседателот во заминување Барак Обама, ја предупредиле една од двете компании кои ја одржуваа енергетската мрежа во државата Вермонт. Во написот се наведува дека FBI на главните комунални компании во земјата им ги предала кодот кој им се припишува на „руските хакери“.
Подоцна компанијата „Burlington Electric“ објави дека таквиот код е откриен во лаптоп поврзан, но кој не бил поврзан на мрежата.
„Веднаш реагиравме за да го изолираме лаптопот и ги предупредивме сојузните функционери за откритието“, се наведува во соопштението на компанијата и се додава дека екипата соработува со сојузните власти за да го утврди потеклото на штетниот софтвер и да спречи други обиди за инфилтрирање во електроенергетските системи, пренесува Reuters.
Министерството за татковинска безбедност во четвртокот вечерта електроенергетските компании на опасниот код „Grizzly Stepp“, потврди компанијата „Дејствуваме брзо за да ги провериме сите компјутери во нашиот систем на штетниот софтвер, Го откривме во само еден лаптоп кој не е поврзан со мрежата“, се истакнува во соопштението.
Американската влада и електроенергетската индустрија постојано ја следат националната електроенергетска мрежа, бидејќи речиси целосно е компјутеризирана и какво и да е пореметување би можело да има катастрофални последици за функционирање на системот.
„Упадот бил помал инцидент и не предизвикал никаква штетата. Но го сфаќаме сериозно бидејќи е утврдено дека потекнува од познатите ентитети кои учествуваат во поголема кампања против владата во кибернетичкиот простор и поради тоа што кибернетичката мрежа е ранлива и дел од клучната национална инфраструктура“, изјавил за Reuters американски разузнавач запознаен со случајот
Американските стручњаци сметаат дека Русија била одговорна и за хакерскиот напад врз украинската електроенергетска мрежа во декември 2015 година, кога без струја останаа речиси 250.000 луѓе.
Поради тоа, републиканскиот сенатор Џон Меккејн во петокот во Киев порача дека Москва морала да плати за кибернетичките напади врз САД, заканувајќи се со нови санкции, вклучително и за финансиските институции.
„Кога ќе нападнете една земја, тоа е воен акт. Затоа мораме да се погрижиме за тоа да се плати, за да би можеле да ги увериме русите да прекинат со таквите напади на самите основи на нашата демократија“, порача Меккејн во интервјуто за украинската телевизија./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Двегодишното девојче кое исчезна во Србија се бара насекаде, полицијата врши распити на голем број лица
Потрагата по девојчето Данка Илиќ (2), кое во вторникот исчезна во Бањско поле во Бор, се уште трае и не се знае како е можно девојчето да се изгуби. Полицијата ја проверува секоја информација што ќе дојде до нив, сослушани се неколку лица, повторно се разговараше со родителите, но ниту една информација не укажува на тоа што се случило и каде е Данка, пишува „Нова.рс“
Екипата на порталот денеска беше во Бањско поле каде се уште има голем број полицајци. Властите со багер го чистеа теренот околу куќата во која последен пат била видена Данка. Исто така, на имотот е извршено ископување, а јамите повторно се пребаруваат.
Полицијата ја истражува секоја трага што може да укаже на тоа што се случило со девојчето.
„Полицијата разговараше со голем број луѓе, соседи, познаници, се со цел да ја пронајде Данка. Досега ниту една трага не довела до тоа каде е девојчето или што и се случило“, вели изворот на Нова.рс.
Истрагата се одвива во повеќе правци, а денеска полицијата повторно разговараше со родителите на девојчето.
„На вториот ден од нејзиното исчезнување, родителите на девојчето биле во полиција до доцна во ноќта. Тие утрово биле повторно повикани, а исто така цел ден поминале во полициска станица. Не се познати околностите врз основа на кои два дена биле на распит. Извесно е дека родителите вчера имале разговори и со Центарот за социјална работа, а повеќе од тоа не се знае“, додава изворот на „Нова.рс“.
Неофицијално беше објавено и дека полицијата нашла нова трага, односно дупка на местото на кое исчезна девојчето, и дека целото внимание го насочува кон тоа.
Она што е сигурно е дека се проверуваат сите околности и се сослушуваат и сите лица кои можеби имаат сознанија за случајот.
Меѓу нив е и кој бил зад воланот на автомобилот „пунто“ што го снимиле надзорните камери на куќата во Бањско Поље, во моментот на исчезнувањето на малата Данка. Куќата пред која е снимен автомобилот се наоѓа на стотина метри од местото каде исчезна Данка.
На снимката се гледа автомобил кој брза околу 13 часот и 47 минути, а малото девојче исчезнало малку пред тоа, околу 13 часот и 45 минути, како што вели нејзината мајка.
„Ја знам таа жена, ја видов како носи две деца во парк, страшно е што се случи“, велат соседите.
Девојчето Данка Илиќ исчезна во вторникот во Бањско Поље кај Бор. Во средата по 27 часот полицијата ја прекина потрагата и започна друг вид на акција за пронаоѓање на детето. Во ова мало место кај Бор се уште остана одреден број полицајци, а вчера беше блокиран и пристапот до куќата.
Во потрагата по исчезнатото дете се вклучени припадници на Жандармеријата, пожарникари, планинска спасувачка служба, како и голем број доброволци.
Регион
„Само се шалевме“ – уапсените поради тврдењата за исчезнатото девојче се донесени во полиција
Тројцата кои беа уапсени во Босна и Хервеговина, а тврдеа дека имаат информации за исчезнатото девојче од Србија, Данка Илиќ и бараа пари, во полиција рекле дека „само се шегувале“, пренесува Н1 Сараево.
Федералната полициска управа вечерва уапси три лица кои на социјалните мрежи тврдеа дека имаат информации за исчезнувањето на двегодишното девојче од Србија, Данка Илиќ, по коешто трага речиси целиот регион.
Како што јави известувачот на Н1, уапсените биле донесени во зградата на Федералната полициска управа.
Како што се дознава, за време на преносот во живо на „Тик-ток“, тие побарале десетици евра за да ја откријат локацијата на девојчето и тврделе дека ја чуваат во подрумот.
Веднаш по апсењето изјавиле дека „само се шегувале“. Сите уапсени се членови на исто семејство.
Инспекторите на Одделот за компјутерски криминал на Федералната полициска управа преку ИП адресата ги лоцираше лицата кои тврделе дека имаат информации за исчезнувањето на детето.
Вчера на социјалните мрежи се појави видео од надзорната камера на куќа лоцирана во близина на местото каде исчезна Данка Илиќ во 13:45 часот.
На видеото се гледа автомобил кој брза во 13 часот и 47 минути, а малото девојче исчезнало малку пред тоа, односно во 13 часот и 45 минути, како што рекла нејзината мајка.
Свет
Тешка автобуска несреќа во Јужна Африка, загинаа 45 лица
Министерството за транспорт на Јужна Африка денеска соопшти дека 45 лица загинале, а едно лице е повредено во автобуска несреќа кај Маматлакала во северната провинција Лимпопо.
Министерството објави дека возачот изгубил контрола над автобусот, кој потоа удрил во бариерите на мостот, по што возилото паднало преку мостот, удрило во земјата и се запалило.
Автобусот превезувал луѓе од Боцвана до Морија, град во Лимпопо.
Спасувачките операции продолжија до доцна денеска.
Некои тела изгореле до непрепознатливост, а некои патници останале заробени во урнатините на автобусот, соопштија сообраќајните власти во Лимпопо.