Свет
САД: Разговорите со Северна Кореја се движат побрзо од очекуваното
Белата куќа соопшти дека разговорите со Северна Кореја се движат побрзо од очекуваното во пресрет на утрешниот самит во Сингапур. Прелиминарните разговори помеѓу официјалните претставници се одвиваат пред првиот состанок без преседан.
Белата куќа, исто така, потврди дека претседателот Доналд Трамп и севернокорејскиот лидер Ким Џонг-Ун ќе одржат состанок еден на еден, само со присуство на преведувачи.
Исходот може да ја одреди судбината на нуклеарната програма на Северна Кореја.
САД инсистираат на тоа дека нема да прифатат ништо помалку од целосна денуклеаризација на Корејскиот полуостров.
Северна Кореја соопшти дека е подготвена да се заложи за денуклеаризација, но дека таа тема е отворен за толкување. Исто така, не е јасно што ќе побара Пјонгјанг за возврат, што е многу тешко да се предвиди, според аналитичарите.
Министерот за надворешни работи на Сингапур, Вивиан Балакришнан, кој синоќа се сретна одделно со Трамп и со Ким, рекол дека двајцата лидери се самоуверени и решителни. Трамп рекол дека има убаво претчувство за средбата со Ким.
Great to be in Singapore, excitement in the air!
— Donald J. Trump (@realDonaldTrump) 11 June 2018
Инаку, Трамп и Ким се сместени во одделни хотели, недалеку еден од друг. Силно и бројно обезбедување е поставено низ регионот.
Двајцата лидери ќе се сретнат утре во хотел на островот Сентоса, популарен туристички остров, кој се наоѓа неколку стотина метри од главниот остров на Сингапур.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) 19-годишна девојка во Украина се обидела да го продаде синот, барала 23.500 евра
Во украинскиот град Днипро, 19-годишна девојка се обидела да го продаде сопствениот двегодишен син, соопшти локалната полиција, пренесоа украинските медиуми.
Девојката наводно побарала еден милион гривни, што е околу 23.500 евра за своето дете. 19-годишната девојка наводно му го понудила детето на својот познаник и договорила средба со него. Во вторникот полицијата приведе маж додека носел пари на договорена локација.
Девојката наводно рекла дека не сака да се грижи за својот син, па решила да го продаде. Со парите што ги добила планирала да отвори сопствен бизнис.
Детето е земено во полиција и предадено на надлежните органи. Против неговата мајка е подигнато обвинение за трговија со луѓе.
Свет
Русија со најава: Ги преместуваме системите „Искандер“ на границата со Финска
Русија најави дека ќе ги премести ракетните системи способни да носат нуклеарно оружје на границата со Финска. Прокремљскиот весник „Известија“ минатата недела објави дека руското Министерство за одбрана формирало посебна ракетна бригада во руската република Карелија со системи „Искандер-М“, кои можат да лансираат конвенционални и нуклеарни ракети.
Русија ја нарече провокативна, одлуката на Финска за влез во НАТО, а потоа и приемот на Шведска. Искандерите се сметаат за централен дел на новоформираниот руски воен округ Ленинград (ЛМД), кој беше создаден како одговор на пристапувањето на Хелсинки во НАТО.
Генерал-мајор Хари Ора-ахо, поранешен директор на финската воена разузнавачка агенција, го коментираше овој потег.
„Ако ова се оствари, нема да промени ништо“, напиша тој на X. „Во секој случај, ние треба да се браниме од ракетите Искандер“, рече тој, додавајќи дека такви проектили веќе се распоредени јужно од Санкт Петербург.
„Оперативно изгледа апсурдно да се приближуваат вакви ракетни системи со долг дострел до нашата граница, тие се лесни цели за нас“, додаде тој.
Европа
Уапсени тројца мажи во истрагата за бруталното убиство на Хрват во Даблин
Уапсени се тројца мажи осомничени за убиството на 31-годишен Хрват, Јосип Штрок во Даблин минатиот месец, пишуваат ирските медиуми.
Тие се осомничени дека ги претепале Штрок, кој живеел и работел во Даблин, и неговиот пријател. Штрок почина од повредите на 3 април.
Неговиот пријател за хрватските медиуми изјавил дека биле во продавница и планирале да се дружат, кога група луѓе им кажала да почнат да зборуваат англиски.
„Немате почит кон нашата земја, ова е Ирска…“, изјави тој за Јутарњи. Тие влегле во автобусот и не забележале дека напаѓачите ги следат и биле нападнати одзади.
„Прво ме удрија со нешто, не знам дали беше шипка или палка. Ги прашав полицајците за деталите што ги виделе на видеото, а кои наводно ги имаат“, рече тој, додавајќи дека следното нешто се сеќава е кога се разбудил во болница.