Свет
САД ќе разговараат за заканата од Русија на министерскиот состанок на НАТО
Русија претставува закана за сите членки на НАТО, но во исто време Вашингтон е подготвен да соработува со Москва во областите од заеднички интерес, изјави висок официјален претставник на американската одбрана во вторникот, пренесува ТАСС.
Според неговите зборови, американската делегација треба да го иницира прашањето за Русија на претстојниот состанок на министрите за одбрана на НАТО, што ќе се одржи преку видеоврска, и на кој ќе присуствува американскиот министер за одбрана, Лојд Остин.
„Многу е очигледна заканата од Русија за сите сојузници на НАТО, вклучително и за САД. Тие користат воена сила за да ги постигнат своите цели“, рече Остин.
Во исто време, тој рече дека Вашингтон е подготвен да соработува со Москва во области од заеднички интерес.
„Оваа администрација веќе јасно стави до знаење дека ќе соработуваме со Русија за да ги унапредиме нашите лични интереси, притоа барајќи од нив одговорност за нивните непромислени и агресивни активности. И затоа со нетрпение очекуваме да разговараме за тоа со нашите сојузници оваа недела“, рече тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.