Свет
Салвини бара регистар на Ромите во Италија, ќе следуваат депортации
Италијанските власти ќе спроведат попис меѓу ромското население во Италија за евентуално да ги протераат оние без документи и, како што рече министерот за внатрешни работи Матео Салвини, по чија иницијатива ќе се прави регистарот, за жал, да ги задржи оние со италијанско државјанство, пишува италијански „Локал“.
Салвини, кој е и претседател на Лига (партија од екстремната десница), вчера изјави на локална ломбардиска телевизија (Салвини е роден во Ломбардија) дека планира да ја посети ромската заедница во Италија за да види кои се, какви се и колку ги има.
„Недокументираните странци без регулиран статус ќе бидат депортирани преку спогодби со другите земји, но, за жал, ќе мора да ги задржиме италијанските Роми“, рече Салвини, кој е одамна познат по таргетирањето на Ромите и на Синтите.
Се проценува дека бројот на Ромите во Италија е од 130.000 до 170.000, од кои за половината се верува дека се италијански државјани. Лига веќе предложи посебни закони за Ромите, со кои на властите ќе им биде полесно да им ги одземаат децата ако тие редовно не посетуваат училишна настава, а Салвини побара ромските кампови да бидат срамнети со земја обвинувајќи дека Ромите повеќе го сакаат криминалот отколку да работат.
Најавата за попис предизвика бура во редовите на опозицијата и внимателна реакција на ромската заедница. Извештај за таа заедница уште минатата година објави Италијанскиот државен завод за статистика (ИСТАТ), наведе здружението Ромска нација во соопштение барајќи што побрза средба со новиот министер.
„Салвини ја продолжува изборната кампања со сѐ погрди зборови“, оцени сенаторката на Демократската партија, Симона Малпези, која смета дека пописот е најновата измислица на новиот министер за внатрешни работи, која по малку смрди на фашизам.
Салвини минатата недела се најде во центарот на вниманието кога се спротивстави на пристигнувањето на хуманитарниот брод со 630 емигранти во италијанските пристаништа.
„Некои зборуваат за шок, зошто? Само мислам на тие кутри деца што ги учат да крадат и да го кршат законот“, реагира Салвини на „Твитер“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Столтенберг: НАТО работи на испорака на повеќе „Патриоти“ во Украина
НАТО работи на испраќање повеќе системи за противвоздушна одбрана во Украина, изјави генералниот секретар Јенс Столтенберг, додавајќи дека доцнењето во обезбедувањето таква помош им наштетува на напорите на Киев да се спротивстави на руските напади.
„Собравме податоци за различните системи за противвоздушна одбрана што ги имаме во НАТО и се фокусиравме на системите „Патриот“. И ние работиме со сојузниците за да се осигураме дека тие прераспоредуваат некои од нивните системи во Украина“, изјави тој за новинарите на маргините на состанокот на министрите за надворешни работи на Г7 во Италија.
„Работиме на можноста за испорака на повеќе батерии „Патриот“ за Украина. Водиме дијалог со некои земји“, рече Столтенберг, нарекувајќи го снабдувањето на „Патриотите“ „критично“, бидејќи тоа е најнапредниот одбранбен систем на кој алијансата може да смета.
Столтенберг рече дека други одбранбени системи, вклучително и ракетниот систем земја-воздух НАСАМС, може да и бидат доставени на Украина. Тој додаде дека состанокот на Советот НАТО-Украина ќе се одржи утре и дека се очекува виртуелно да учествува украинскиот претседател Володимир Зеленски.
„Охрабрен сум од посветеноста и одлучноста на сојузниците во НАТО да застанат во одбрана на Украина“, им рече тој на новинарите, додавајќи дека има охрабрувачки знаци дека американскиот Конгрес наскоро би можел да го отклучи пакетот помош од 60,84 милијарди долари за Украина.
Свет
Земјотрес во Турција со јачина од 5,6 степени според Рихтеровата скала
Земјотрес со јачина од 5,6 степени според Рихтеровата скала попладнево ја погоди централна Турција, соопшти државната агенција за справување со катастрофи. Веднаш не беше соопштено дали земјотресот предизвикал жртви или материјална штета.
Според Дирекцијата за управување со катастрофи и вонредни ситуации, земјотресот се случил во градот Сулусарај, во провинцијата Токат, на околу 450 километри источно од главниот град Анкара.
Според телевизијата Хабер Турк, земјотресот бил почувствуван во соседните провинции. Земјотресите во Турција се чести бидејќи земјата лежи на активни раседи.
Разорен земјотрес со јачина од 7,8 степени според Рихтер ја погоди минатата година
Европа
(Видео) Катастрофални поплави во Русија, куќи под вода, илјадници евакуирани
Поради последиците од големите поплави, во Русија се поплавени околу 18.000 домови, додека реката Тобол во областа во близина на границата со Казахстан се заканува да се искачи на рекордно ниво. Државната новинска агенција Тасс објави дека од вчера се поплавени уште 1.700 куќи. Илјадници луѓе се евакуирани во последните неколку дена.
Massive flood after the water level in the Ural River risen in Orenburg, Russia 🇷🇺 (13.04.2024)
TELEGRAM JOIN 👉 https://t.co/9cTkji5aZq pic.twitter.com/SXxuuoAmI1
— Disaster News (@Top_Disaster) April 13, 2024
Регионот Оренбург јужно од планината Урал и регионот Курган во Сибир беа најтешко погодени од катастрофални поплави во близина на јужната граница со Казахстан. Во главниот град на регионот, Курган, реката Тобол порасна за метар и половина за само 24 часа. Курган се подготвува за рекорден водостој и за големи поплави, изјави министерот за вонредни состојби Александар Куренков, кој рече дека нивото на водата се зголемува и во блиската област Тјумен во Сибир.
1/10🌊🇷🇺 #RussiaIsCollapsing
While the Russians fight in #Ukraine 🇺🇦, #Russia is sinking
📍#Kurgan the risk of another dam failure is high
As in #Orenburg & #Orsk, residents leave their homes, leaving dogs chained to deter looters. They won’t survive it. #floods #Rosja #Russie pic.twitter.com/JMURpr5Rbv
— 𝐀𝐧𝐧𝐚 𝐊𝐎𝐌𝐒𝐀 | 🇪🇺🇫🇷🇵🇱🇺🇦 (@tweetforAnna) April 18, 2024
Во моментов има приближно 94 села каде живеат 34.000 луѓе во опасност од поплави. Во четвртокот властите евакуираа 1.500 луѓе од Тјумен и ги транспортираа на безбедно. По обилните дождови и невообичаено снежната зима, Русија оваа година се бори со исклучително тешки сезонски поплави.
Жителите на погодените подрачја ги обвинуваат властите дека доцна преземаат мерки за нивна заштита и дека не реагираат доволно брзо. Слични поплави ги погодија областите преку границата во соседен Казахстан, каде властите претходно почнаа да ги евакуираат луѓето. Досега од таа област се евакуирани повеќе од 100.000 жители.