Свет
Саудиска Арабија го отфрли американското признавање на израелскиот суверенитет над Голанската Висорамнина
Говорејќи на собирот на Арапската лига денеска, министерот за надворешни работи на Саудиска Арабија, Ибрахим ал Асаф, го отфрли американското признавање на суверенитетот на Израел врз спорната Голанска Висорамнина, која ѝ беше одземена на Сирија за време на шестдневната војна во 1967 година и формално присоединета кон Израел во 1981 година.
Неговиот туниски колега Кемајес Џинауи, за возврат рече дека ќе соработува со другите арапски земји за да го спречи влијанието на одлуката на Вашингтон.
Шефот на Арапската лига, Ахмед Абул Геит, го поддржа ставот на Ал Асаф истакнувајќи дека Голанската Висорамнина ѝ припаѓа на Сирија.
Претходно, неделава, официјален Ријад ја осуди одлуката на администрацијата на Трамп.
„Обидите да се наметне свршен чин не ги менуваат фактите. Голанската Висорамнина е окупирана сириска арапска земја во согласност со релевантните меѓународни резолуции. Тоа ќе има значителни негативни ефекти врз мировниот процес на Блискиот Исток и врз безбедноста и стабилноста на регионот“, се вели во соопштението на Ријад, цитирано од „Ројтерс“.
Според „Ројтерс“, Саудиска Арабија ја означи изјавата на Трамп како јасна повреда на Повелбата на Обединетите нации и на меѓународното право.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бајден го потпиша законот: „Тик-ток“ има една година да најде нов сопственик или ќе биде целосно забранет во Америка
Американскиот претседател Џо Бајден потпиша закон што може да доведе до целосна забрана на „Тик-ток“ во САД, доколку „ByteDance“, кој е сопственик на „Тик-ток“, не го продаде својот удел во компанијата во рок од една година.
Портпаролот на „Тик-ток“, Алекс Хаурек, рече дека планираат да го оспорат овој закон на суд, што би можело дополнително да ги одложи роковите, доколку судот одлучи да го одложи спроведувањето на законот до конечната судска одлука.
Исто така, се поставува прашањето како Кина ќе реагира на оваа ситуација и дали ќе дозволи „ByteDance“ да го продава „Тик-ток“, а особено неговиот алгоритам кој ги задржува корисниците заинтересирани за апликацијата.
Директорот на „Тик-ток“, во видео порака го изразува своето незадоволство посочувајќи дека станува збор за потенцијална забрана која ќе влијае на корисниците на апликацијата и нивната слобода на говор.
Регион
Воз налета на пешак: трагедија кај Стара Пазова
Вечерва околу 19:15 часот брз воз налетал на пешак на брзата пруга Нови Сад-Белград.
Несреќата се случила меѓу станиците Инѓија и Стара Пазова.
Засега не се знае точно како дошло до несреќата, а полицијата врши увид на лице место.
Информирани се сите надлежни служби, пишуваат српските медиуми.
Европа
Шпанскиот премиер размислува да се повлече од функцијата, отворена истрага против неговата сопруга
Шпанскиот премиер Педро Санчез денеска објави дека се повлекува од јавните должности затоа што мора „да застане и да размисли“ дали ќе продолжи да биде шеф на владата откако судот во Мадрид отвори прелиминарна истрага против неговата сопруга за корупција и трговско влијание.
„Итно ми треба одговор на прашањето дали вреди, дали да продолжам да ја водам владата или да се откажам од оваа чест“, објави тој преку социјалната мрежа „Икс“.
Синдикатот Манос Лимпијас (Чисти раце) ја пријавил неговата сопруга Бегона Гомез дека им помагала на претприемачите на јавни тендери и го искористила тоа. Судот претходно денеска соопшти дека отворил истрага, без да даде детали.
Министрите од левичарската влада на Санчез оценија дека се работи за лажен извештај и дека синдикатот што го доставил е близок до екстремната десница.