Свет
Светот го доживеа најжешкиот ноември досега, а Европа ja имаше најтоплата есен
Светот го доживеа најжешкиот ноември досега, а Европа ja имаше најтоплата есен, според алармантниот извештај на Службата за климатски промени на Европската Унија „Коперникус“, објави Си-ен-ен.
Температурите биле највисоки досега во голем регион во северна Европа, Сибир и на Арктичкиот Океан, каде што мразот беше на второто најниско ниво досега видено во ноември.
Во САД, Јужна Америка, Јужна Африка, Тибетската Висорамнина, источен Антарктик и во поголемиот дел од Австралија исто така се забележани температури над просекот.
На глобално ниво ноември беше речиси 0,8 Целзиусови степени над просекот за периодот 1981-2010 година и 0,1 Целзиусови степени повисок од минатата година.
Податоците на „Коперникус“ покажуваат дека 2020 година би можела да биде најжешката година што е забележана. Таа е на исто ниво со 2016 година, најтопла година досега, и веројатно ќе го изедначи рекордот или ќе го надмине маргинално, освен ако живата не падне овој месец.
Во годишниот извештај за климата на Светската метеоролошка организација (СМО) минатата недела се вели дека 2020 година би можела да биде една од трите најтопли години што биле забележани, веднаш по 2016 и 2019 година.
Додека податоците за декември ќе бидат одлучувачки, речиси е сигурно дека 2020 година ќе биде најтопла календарска година за Европа, објави „Коперникус“. Периодот јануари-ноември бил потопол 0,5 Целзиусови степени од истиот период во 2019 година – најтоплата регистрирана година – и најмалку 0,4 степени потопол од истиот период во која било друга година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) 19-годишна девојка во Украина се обидела да го продаде синот, барала 23.500 евра
Во украинскиот град Днипро, 19-годишна девојка се обидела да го продаде сопствениот двегодишен син, соопшти локалната полиција, пренесоа украинските медиуми.
Девојката наводно побарала еден милион гривни, што е околу 23.500 евра за своето дете. 19-годишната девојка наводно му го понудила детето на својот познаник и договорила средба со него. Во вторникот полицијата приведе маж додека носел пари на договорена локација.
Девојката наводно рекла дека не сака да се грижи за својот син, па решила да го продаде. Со парите што ги добила планирала да отвори сопствен бизнис.
Детето е земено во полиција и предадено на надлежните органи. Против неговата мајка е подигнато обвинение за трговија со луѓе.
Свет
Русија со најава: Ги преместуваме системите „Искандер“ на границата со Финска
Русија најави дека ќе ги премести ракетните системи способни да носат нуклеарно оружје на границата со Финска. Прокремљскиот весник „Известија“ минатата недела објави дека руското Министерство за одбрана формирало посебна ракетна бригада во руската република Карелија со системи „Искандер-М“, кои можат да лансираат конвенционални и нуклеарни ракети.
Русија ја нарече провокативна, одлуката на Финска за влез во НАТО, а потоа и приемот на Шведска. Искандерите се сметаат за централен дел на новоформираниот руски воен округ Ленинград (ЛМД), кој беше создаден како одговор на пристапувањето на Хелсинки во НАТО.
Генерал-мајор Хари Ора-ахо, поранешен директор на финската воена разузнавачка агенција, го коментираше овој потег.
„Ако ова се оствари, нема да промени ништо“, напиша тој на X. „Во секој случај, ние треба да се браниме од ракетите Искандер“, рече тој, додавајќи дека такви проектили веќе се распоредени јужно од Санкт Петербург.
„Оперативно изгледа апсурдно да се приближуваат вакви ракетни системи со долг дострел до нашата граница, тие се лесни цели за нас“, додаде тој.
Европа
Уапсени тројца мажи во истрагата за бруталното убиство на Хрват во Даблин
Уапсени се тројца мажи осомничени за убиството на 31-годишен Хрват, Јосип Штрок во Даблин минатиот месец, пишуваат ирските медиуми.
Тие се осомничени дека ги претепале Штрок, кој живеел и работел во Даблин, и неговиот пријател. Штрок почина од повредите на 3 април.
Неговиот пријател за хрватските медиуми изјавил дека биле во продавница и планирале да се дружат, кога група луѓе им кажала да почнат да зборуваат англиски.
„Немате почит кон нашата земја, ова е Ирска…“, изјави тој за Јутарњи. Тие влегле во автобусот и не забележале дека напаѓачите ги следат и биле нападнати одзади.
„Прво ме удрија со нешто, не знам дали беше шипка или палка. Ги прашав полицајците за деталите што ги виделе на видеото, а кои наводно ги имаат“, рече тој, додавајќи дека следното нешто се сеќава е кога се разбудил во болница.