Свет
(Видео) Свештеникот Брансон се враќа во САД, се очекува средба со Трамп
Свештеникот Ендру Брансон се очекува денеска да пристигне со авион во воeна база близу Вашингтон и најверојатно истиот ден ќе ја посети Белата куќа, најави американскиот претседател Доналд Трамп.
,,Мило ми е што е враќа. Тој многу страдаше и многу сме благодарни на голем број луѓе”, изјави Трамп.
Во однос на прашањето дали ќе ги укине санкциите кон Турција, воведени поради апсењето на Брансон, Трамп рече дека немало никаков договор со Турција во врска со пуштањето на Брансон и укинувањето на санкциите.
Турскиот суд донесе одлука за ослободување на американскиот протестантски свештеник Ендру Брансон чиј притвор предизвика дипломатска криза меѓу Анкара и Вашингтон. Судот во Измир го осуди Брансон на три години и еден месец затворска казна, но го ослободи земајќи го предвид времето поминато во притвор и доброто однесување во текот на судскиот процес.
Брансон живее во Турција 23 години. Тој беше уапсен во декември 2016 година, а на 22 јули годинава беше префрлен во куќен притвор.Брансон е осуден за делување во име на мрежата на проповедникот Фетула Ѓулен кого Анкара го смета за одговорен за обидот за пуч во јули 2016 година во Турција во име на Работничката партија на Курдите која Турција ја смета за терористичка организација.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Пентагон испраќа милијарда долари воена помош за Украина
Пентагон е подготвен брзо да испрати пакет воена помош од милијарда долари за Украина, изјавија неколку американски претставници, додека горниот дом на американскиот Конгрес ја започнува расправата за долгоочекуваниот нацрт-закон за финансирање на Украина и другите сојузници на САД, којa веќе го помина долниот дом.
Членовите на Конгресот беа длабоко поделени околу средствата, поради што претседателот на Претставничкиот дом, Мајк Џонсон, формираше сојуз од двете водечки партии за усвојување на законот.
Пакетот за странска помош од 95 милијарди долари беше усвоен од Претставничкиот дом во саботата, а денеска или утре се очекува одобрување од Сенатот.
Од вкупниот пакет помош околу 61 милијарда долари се наменети за Украина.
Регион
(Видео) Атина прекриена со сахарска прашина, нереални сцени во градот
Атина и јужните делови на земјата повторно беа обвиени со сахарска прашина, со нијанси на жолта и портокалова боја што создава нереална атмосфера во градот.
Облаци од прашина, пренесени преку Средоземното Море од Северна Африка, го обвиле Акропол и другите знаменитости на Атина, пишува „АП“.
Силните јужни ветрови носеа прашина од Сахара, па во последните часови од денот грчката престолнина изгледаше како да е користен филтер за фотографирање, пренесува Euronews.
🚨🇬🇷
HAPPENING NOW
The sky is totally orange over Athens, Greece
— Alex Barnicoat (@mrbarnicoat) April 23, 2024
Во среда се прогнозира разведрување на небото со поместување на ветровите и поместување на прашината и опаѓање на температурите.
Дневниот максимум во делови од јужниот остров Крит надмина 30 степени Целзиусови, повеќе од 20 степени Целзиусови над она што беше забележано во поголемиот дел од северна Грција.
Корисниците на социјалната мрежа Икс објавија видеа од необична „портокалова“ појава од територијата на цела Атина.
Веста за Атина во „портокалово“ многу брзо се прошири низ светските медиуми, а видеата ги споделија и профили на социјалните мрежи кои се занимаваат со глобални актуелни вести.
Свет
Уапсен заменикот на Сергеј Шојгу, осомничен е за примање мито
Рускиот заменик министер за одбрана Тимур Иванов е приведен под сомнение дека примил поткуп, соопштиРускиот истражен комитет.
„Заменик-министерот за одбрана на Русија, Тимур Владимирович Иванов, е приведен поради сомнение дека сторил кривично дело примање поткуп“, се наведува во соопштението објавено на каналот Телеграм на Истражниот комитет, пренесува РИА.
Во 2012 година, Иванов беше вицепремиер на Московскиот регион.
Од 2013 до 2016 година, тој беше генерален директор на АД Оборонстрој.
Во мај 2016 година со претседателски указ е назначен за заменик министер за одбрана.