Свет
Свештеник со хеликоптер ќе спроведе масовен егзорцизам врз град во Колумбија
Монсињор Рубен Дарио Монтоја е бискуп во Буенавентура, најголемиот пристанишен град на пацифичкиот брег на Колумбија, со повеќе од 300 илјади жители.
За спасение на душите на граѓаните бискупот овој викенд ќе спроведе акција за егзорцизам (истерување на демони) врз целиот град и ќе прска со осветена вода од хеликоптер, со изговарање молитви кои треба да направат чистка на градот од, како што вели тој, демонската инвазија.
Градот Буенавентура, спротивно на неговото име („добра среќа“), веќе долго време е место на насилен криминал, трговија со кокаин и сиромаштија, а титулата за најнасилно место во Колумбија ја има добиено уште пред пет години.
„Хјуманс рајтс воч“ истакнува дека голем број градски населби се под доминација на моќни криминални групи кои вршат разни злочини, вклучително и киднапирање и распарчување на луѓе, неретко додека се се уште живи и фрлање на тела во морето. Според извештајот на оваа организиација, ваквите криминални групи имаат куќи наменети за мачење на жртвите, а тоа го потврдуваат сведоштва на локалнитете жители, црквата и официјални лица.
Иако во последниве неколку години, ситуацијата е малку подобрена, во првите пет месеци од годинава регистрирани се 51 убиство, што е за 20 загинати повеќе отколку во истиот период лани.
По смртниот случај на 10-годишно девојче кое било мачено и убиено, бискупот Монтоја се одлучил за радикален потег како масовен егзорцизам.
„Треба да го изгониме ѓаволот од Буенавентура, да видиме дали можеме да го вратиме мирот и спокојството што нашиот град ги изгуби поради големото ниво на криминал, корупција и толку многу зло и трговија со дрога кои затропаа на нашите порти“, изјавил тој за локалното радио, а пренесе британски „Гардијан“.
Во овој чин на свештеникот ќе помогне хеликоптер на колумбиската армија, а егзорцизмот ќе биде извршен за време на празник посветен на светецот кој е заштитник на градот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Емануел Макрон: Постои ризик Европа да умре
Францускиот претседател Емануел Макрон изјави дека „постои ризик Европа да умре“ за време на говорот на Универзитетот Сорбона во Париз.
Макрон истакна дека битката за изградба на силна Европа е далеку од завршена и ризикува да заостане зад светските ривали во наредната деценија, пренесува Ројтерс.
Европа, како што оцени Макрон, е на пресвртна точка и мора да стори повеќе за да се натпреварува со забрзаното вооружување на своите глобални ривали.
Свет
Хамас: Ќе станеме политичка партија ако се формира палестинска држава
Заменик-претседателот на политбирото на Хамас за Газа, Калил ал-Хаја, рече дека палестинската милитантна група е подготвена да се договори за петгодишно примирје со Израел и да се претвори во политичка партија доколку се формира палестинска држава со границите од 1976 година.
Ал Хаја, претставник на Хамас во преговорите за прекин на огнот и враќање на заложниците, рече дека групата ќе прифати „целосно суверена палестинска држава на Западниот брег и Појасот Газа и враќање на палестинските бегалци во согласност со меѓународните резолуции“.
Во интервју за „Асошиетед прес“ тој додаде дека во тој случај военото крило на Хамас ќе биде распуштено.
„Сите искуства на луѓето што се бореле против окупаторите, кога се осамостоија и ги освоија своите права и својата земја, се претворија во политички партии, а нивните борбени сили се претворија во национална армија“, рече тој.
Тој оцени дека долго најавуваната израелска копнена офанзива во градот Рафа нема да го победи Хамас.
Свет
Погодена железница во Украина, оштетен и облакодер: Русите нападнаа со моќниот „Искандер“
Руски проектил оштети критична инфраструктура и повреди шест лица во регионот Черкаси во централна Украина, изјави регионалниот гувернер.
Во нападот беше погодена цивилната и железничката инфраструктура во градот Смила, изјави портпаролот на украинските воздухопловни сили, Илја Јевлаш, во телевизиски пренос. Според првичните информации, во нападот бил употребен проектил „Искандер-К“, додаде Јевлаш.
Оштетени се и 47 приватни станбени згради и искршени се прозорци во станбена висококатница, објави на „Телеграм“ гувернерот на Черкаси, Ихор Табурец. Украинската воздушна одбрана ја собори воздушната цел, рече тој, додавајќи дека службите за итни случаи се на терен.
Руските сили претходно ја оштетија железничката инфраструктура во нападот на реонот на Днепар на 19 април, како што објавија украинските железници „Укрзализница“ на „Телеграм“.