Свет
„Северен тек 2“ не бил споменат за време на разговорите помеѓу Путин и Бајден
Гасоводот „Северен тек 2“ не беше спомнат за време на разговорите меѓу претседателите на Русија и САД, Владимир Путин и Џозеф Бајден, изјави портпаролот на Кремљ, Дмитриј Песков.
„ Северен тек 2 не беше споменат вчера“, рече портпаролот на Кремљ на прашањето на новинарите дали Бајден му рекол на Путин дека Америка ќе влијае на Германија за да го запре проектот за гасоводот.
Советникот на американскиот претседател за национална безбедност Џејк Саливан изјави дека „Северен тек 2“ претставува лост на притисокот на Западот врз Москва да не ризикува да изврши инвазија на Украина.
Во исто време, британски „Фајненшл тајмс“ пишува, повикувајќи се на неименуван дипломат, дека Германија и Америка имале сериозни разговори за рускиот гасовод и дека во случај на руска „инвазија“ на Украина, би можеле да заклучат дека гасоводот е неприфатлив.
„ На крајот може да се постигне консензус дека „Северен тек 2“ е неприфатлив доколку дојде до инвазија на Украина“, се вели во написот.
На редовниот брифинг со новинарите, Песков исто така рече дека на Путин му се допаѓа форматот на онлајн комуникација со Бајден бидејќи овозможува отворен разговор.
Тој додаде дека роковите за контакти меѓу претставниците на двете земји се уште не се одредени по разговорите меѓу претседателите, но дека тие мора да се реализираат оперативно.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Принцот Вилијам проговори за Кејт Мидлтон: „Жал ми е што не е тука со нас“
При посетата на едно училиште во Велика Британија, принцот Вилијам се извини што неговата сопруга Кејт Мидлтон не била со него.
Конечно се врати на обврските откако извесно време беше на пауза поради приватни причини.
Во разговор со член на персоналот, Вилијам накратко ја спомна сопругата Кејт.
„Жал ми е што Кејт не може да биде тука со нас. Таа сакала”, рекол Вилијам.
Медиумите потсетуваат дека минатиот месец принцезата Кејт Мидлтон објави дека се бори со рак, но во видеото кое го објави не прецизираше за каков вид на рак се работи.
По Божиќ се повлече од јавноста, а во јануари имаше операција на абдоменот.
Европа
(Видео) 19-годишна девојка во Украина се обидела да го продаде синот, барала 23.500 евра
Во украинскиот град Днипро, 19-годишна девојка се обидела да го продаде сопствениот двегодишен син, соопшти локалната полиција, пренесоа украинските медиуми.
Девојката наводно побарала еден милион гривни, што е околу 23.500 евра за своето дете. 19-годишната девојка наводно му го понудила детето на својот познаник и договорила средба со него. Во вторникот полицијата приведе маж додека носел пари на договорена локација.
Девојката наводно рекла дека не сака да се грижи за својот син, па решила да го продаде. Со парите што ги добила планирала да отвори сопствен бизнис.
Детето е земено во полиција и предадено на надлежните органи. Против неговата мајка е подигнато обвинение за трговија со луѓе.
Свет
Русија со најава: Ги преместуваме системите „Искандер“ на границата со Финска
Русија најави дека ќе ги премести ракетните системи способни да носат нуклеарно оружје на границата со Финска. Прокремљскиот весник „Известија“ минатата недела објави дека руското Министерство за одбрана формирало посебна ракетна бригада во руската република Карелија со системи „Искандер-М“, кои можат да лансираат конвенционални и нуклеарни ракети.
Русија ја нарече провокативна, одлуката на Финска за влез во НАТО, а потоа и приемот на Шведска. Искандерите се сметаат за централен дел на новоформираниот руски воен округ Ленинград (ЛМД), кој беше создаден како одговор на пристапувањето на Хелсинки во НАТО.
Генерал-мајор Хари Ора-ахо, поранешен директор на финската воена разузнавачка агенција, го коментираше овој потег.
„Ако ова се оствари, нема да промени ништо“, напиша тој на X. „Во секој случај, ние треба да се браниме од ракетите Искандер“, рече тој, додавајќи дека такви проектили веќе се распоредени јужно од Санкт Петербург.
„Оперативно изгледа апсурдно да се приближуваат вакви ракетни системи со долг дострел до нашата граница, тие се лесни цели за нас“, додаде тој.