Свет
Северна Кореја го одбележа роденденот на Ким Џонг-ил, но без воена парада
Северна Кореја ја одбележа 80-годишнината од раѓањето на поранешниот лидер Ким Џонг-ил. Годинава се прослави без ракети и воена парада, но со голем собир на отворено на ниски температури, соопшти државната агенција.
Неговиот син, актуелниот севернокорејски лидер Ким Џонг-ун, го прослави Денот на светлата ѕвезда, кој ја одбележува годишнината од раѓањето на татко му, во завеаниот Самиџион, во близина на планината Паекту, каде што, според официјалната историја, Ким Џонг-ил е роден на 16 февруари 1942 година.
Сликите на севернокорејските медиуми покажаа голем број луѓе собрани пред статуата на Ким Џонг-ил за да го прослават големиот празник на нацијата, објави официјалната новинска агенција КЦНА.
Толпата почна гласно да аплаудира кога се појави лидерот Ким Џонг-ун, кој присуствуваше на состанок во округот Самдион, кој е светата земја на револуцијата.
Ким Џонг-ун финансира големи развојни проекти во регионот во последните години со проекти за станбени згради, хотели и скијачки центри. Севернокорејскиот календар е полн со годишнини поврзани со официјалната историја на земјата и со првите двајца нејзини лидери, Ким Ил-сунг и Ким Џонг-ил, дедото и таткото на сегашниот лидер Ким Џонг-ун.
Овие прослави се можност за големи цветни изложби, колективни игри и едиторијали на пофалби во државните медиуми, кои, според експертите, треба да ја зајакнат лојалноста кон властите.
Денешниот празник беше внимателно следен по тензиите на Корејскиот Полуостров, а некои набљудувачи очекуваа воена парада да го покаже новото оружје на владата.
Пјонгјанг изврши серија ракетни тестови во јануари вклучувајќи ја и најсилната ракета лансирана од 1971 година.
Властите исто така предупредија дека би можеле да го укинат мораториумот што го воведоа на тестовите на балистички интерконтинентални балистички ракети и нуклеарни тестови.
Но, се чини дека Северна Кореја ги прекина тие проби за време на Зимските олимписки игри во Пекинг, можеби поради почит кон својот кинески сојузник, велат експертите. Аналитичарите проценуваат дека Пјонгјанг би можел да ја искористи следната годишнина, 110 години од раѓањето на Ким Ил-сунг, на 15 април, за да тестира некои важни оружја.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Бремена жена дошла на редовен преглед, лекарите по грешка ѝ направиле абортус во болница во Прага
Во трагичен инцидент претходно оваа недела во Универзитетската болница „Буловка“ во Прага 8 дошло до забуна кај лекарите за две жени што не биле од Прага, а тоа резултирало со абортус на бремена жена без нејзино знаење или желба, пренесуваат тамошните медиуми.
Здравствениот експерт вели дека, освен големата негрижа од страна на персоналот, за шокантниот настан придонела и јазичната бариера.
Кобната грешка се случила на 25 март, јавуваат чешките медиуми. Имено, една трудница дошла во болница на редовен преглед на бременоста. Меѓутоа, медицинските сестри, лекарите, гинеколозите и анестезиолозите ја помешале со друга трудница, која имала закажана киретажа (метод на абортус).
Така, бремената мајка била ставена под општа анестезија и лекарите по грешка ѝ направиле абортус.
„Министерството за здравство изразува најдлабоко жалење до пациентот и целото семејство“, рече портпаролот на Министерството, Онџеј Јакоб, во соопштението за печатот во четвртокот.
„Имаше неопростлива човечка грешка, а одговорните се разрешени“, додаде тој.
Од самата болница за информативниот портал „Новинки.чз“ изјавија дека се подготвени да платат отштета.
Според чешките медиуми, и двете пациентки биле странски државјанки, кои живееле во Чешка.
Официјалните лица не објавија никакви информации за идентитетот на жените.
Регион
Детаљно пребарани тунелите, каналите и шахтите, нема траги од Данка: се огласија српските полицајци
Специјалистички екипи за спасување од урнатини на Секторот за вонредни состојби од Белград и Нови Сад заедно со други припадници на МВР од раните утрински часови темелно ги пребаруваа тунелите, подземните канали и шахтите со вкупна должина од 4,5 километри во месноста Бањско Поле до градот Бор и не се пронајдени траги што би укажувале дека таму била двегодишната Данка Илиќ, пренесуваат српските медиуми.
По повеќе од 70 часа детаљно пребарување на теренот во Бањско Поле, припадниците на Министерството за внатрешни работи продолжуваат со интензивно и оперативно пронаоѓање на девојчето и утврдување сите факти и околности за исчезнувањето на детето, според последните извештаи.
Медиумите потсетуваат, од моментот на пријавување на исчезнувањето на 26 март во потрагата по исчезнатото девојче учествуваа стотина припадници на МВР, кои темелно и сеопфатно го прегледаа поширокиот и потесниот простор на ова место со вкупна површина од 10-ина квадратни километри.
Свет
„Фокс њуз открива“: САД потрошиле најмалку 113 милијарди долари за војната во Украина
Американската влада потрошила најмалку 113 милијарди долари за војната во Украина, но таа сума може да се смета за многу поголема поради трошоците за замена на оружјето и муницијата испратени во Киев, процени Пентагон, дознава „Фокс њуз“.
„Фокс њуз“ во септември објави дека САД потрошиле вкупно 101 милијарда долари за војната во Украина.
Според документите од Канцеларијата за менаџмент и буџет на Белата куќа испратени до сенаторот Џ. Д. Венс од американската сојузна држава Охајо, до која имал пристап „Фокс њуз“, САД потрошиле најмалку дополнителни 13 милијарди долари од септември за војната во Украина.
Директорката на Канцеларијата за менаџмент и буџет на Белата куќа, Шаланда Јанг, во писмо до Венс рече дека американскиот Конгрес обезбедил 111 милијарди долари дополнителни средства како одговор на војната во Украина вклучувајќи безбедносна, економска и хуманитарна помош.
Јанг истакна дека вкупните средства вклучуваат и средства „кои не отишле директно во Украина“, туку се користат за поддршка на таа земја поради што понекогаш се појавуваат разни бројки за американската помош за Киев.