Свет
Северна Кореја им забрани на граѓаните да се смејат и да пијат
На граѓаните на Северна Кореја не им е дозволено да се смеат или да пијат 11 дена, по повод десетгодишнината од смртта на лидерот на земјата Ким Џонг-ил.
Според светските медиуми, државните власти наредиле да нема изразување на среќа во јавноста, додека Северна Кореја ја одбележува смртта на поранешниот севернокорејски лидер.
Ким Јонг-ил владееше со Северна Кореја од 1994 до 2011 година, кога беше наследен од неговиот син Ким Џонг-ун.
„ Во периодот на жалост не смееме да пиеме алкохол, да се смееме или да се занимаваме со лежерни активности“, изјави севернокорејски жител на Синиџи за Радио Слободна Азија.
Истиот извор тврди дека на граѓаните нема да им биде дозволено да одат по намирници на 17 декември, кога се одбележува годишнината од смртта на Ким Џонг-ил.
„ Претходно се случувало да уапсат луѓе кои пиеле или биле пијани во моментот на жалост и биле третирани како идеолошки криминалци. Тие биле однесени и никогаш не биле видени повеќе“, тврди лицето, а пренесува „Дејли мејл“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.